بياض اليدين والأرجل هنا الحل

لو ممكن تخبوني شو الكريمات أو الخلطات اللي تبيض اليدين والأرجل وتخوز السواد ( اللي يظهر في الريول من اليلسة)
بليييييز أي وحده مجربة شي واستفادت منه تفيدني

للأسف ما عندي .. خبره ع ها الشي
لاكن الود ودي اساااعدج من خاااطر
السموحه

الغاليه في وحده في المنتدى من فتره كانت كاتبه اخلطي ملعقه فازلين مع ملعقتين سكر مع بعض وكل يوم افركي المنطقه المراد تبيضها بس والله مش ذاكره امنو
لكن انا جربت والنتيجه روووووووووعه لكن ما استمريت

خلطة الاخت شسالفة معروفه في قوقول بتحصلينها
فيها جيلوسليد وجلسرين و فكس وزيت زيتون ……..الخ
وتحطينها على جسمج ساعتين او اكثر وبعدها تتسبحين بخلطة صابونية مال الاخت مزيونه وشقرا معرفة خلطتها بعد في قوقل بتحصلينها

باذن الله مب بس ايدج وريولج الي بتبيض الا كل جسمج
شي اخير رطبي جسمج وايدج وريول بكريم ترطيب او جلسرين السائل الشفاف
قبل النوم حطي على ويهج وايدج
وباذن الله بتشوفين نتيجه حلوة
او اذا ما تبين تشترين كريم يبي كريم توب شارلي وصابونة دوف الوردي نصها ابشريها وحطي عليها السيروم مال اليهال يوم يكون عندهم اسهال يشربونه عشان يغذيهم الي مثل الماي اخلطيهم عدل لين يستوي مثل الكريم واحفظيه في علبه وحطي منه كل يوم علي ايدج وويهج من فليل لين الصبح وريولج حطي عليها والبسي زليغات سواء في النهار او حبيتي فليل

ان شاء الله البنات يفيدونج حبيبتي

بالتوفيق