بنتي و البامبرز . . . سياحة الامارات

السلام عليكم و رحمه الله و بركاته

مرحباا بناات

انا بنتي عمرها سنتين و نص و ابا اعق عنها البامبرز و موب عارفه كيييف ؟؟

يالييت اتفيدوني . . .

و السموحه

انا بنتي عمرهااا 3 سنوات ولين الحين تلبس بامبرز

بس مشكلت بنتي انهااا ماتسمع وماعرف كيف اعلمهاا ع الحمام

والله اني متعذبه معاهااا

وانا بعد ابي اعرف

خالتي فديتها علمتني طريقة بس لين الحين ما نفذتها لان ولدي فديته ما كمل سنة ونص
من يكمل سنتين بالضبط ببدأ معاه
قالت لي انها عودت عيالها من يكملون السنتين انهم ينامون من غير حفاظات وتقول الموضوع ياخذ له اسبوعين بالكثير
وديهم كل 10 دقايق او اقل الحمام حتى لو ما فيهم شيء وديهم و شددي عليهم انهم يقولون لج ودينا الحمام كل ما حسوا بشيء .. وقالت اهم شيء ما تعطينهم وااااايد سوائل قبل النوم يعني حدهم المغرب او جريب العشا

والله ييسر لنا هالموضوع

نبا نعرف

انا عيالي من يكملون السنتين اعق عنهم الحفاظه والحمد الله ماعذبوني وايد لكن واحد من عيالي طول شوي يعني لين عمره ثلاث سنوات وهو يسويها في نفسه احياتاً ولما سألت الدكتور خبرني ان هذا الشيء عادي لان بعض الاطفال يكتمل عندهم نمو الاعضاء المسؤلة عن التحكم بالبول والبراز والبعض الاخر يتأخر .
لكن انتي حاولي تعلمينهم الحمام يعني مثل ماقالت الاخت دخليهم الحما كل نصف ساعة بس انا ما امنع عيالي من السوائل بالليل عادي اعطيهم لأن اذا تعودوا على التحكم بنفسهم في النهار يقدرون يتحكمون فالليل بعد