بنتي ومشكلة القراءة عنده للطلاب

اخواتي السلا م عليكم ورحمة الله وبركاته اخواتي عندي بنت عمرها الحين بتكمل ان شاء اللهفي شهر سبعة 6 سنوات ما شاء الله تبارك الله مشكلتها ان معلمة الانجليزي يشتكون من بنتي ويقولون انا ما تركز وبنتي لين الحين ما تعرف تقرا تعرف الحروف بس ما تعرف تركب الكلمة يعني كلمة حمد تعرف حرف مثلا تقول ح وتقول حرف م وحرف دال اقولها شو تصير تقول ما عرف شوفو المدرسة بتخلص ولين الحين ما تعرف تقرا وحفظها بطي ما اعرف هذا الشي عادي لانها عمرها صغير شوي ولا بسبب شي وانتم شو عيالكم اخوي الصغير ما شاء الله عليه في صف الثاني ويعرف يقرا ما شاء الله تبارك الله ما ادري شو مشكلة بنتي قلت يمكن عندها فقر دم رحت وسويتلها فحص قالو ما شاء الله زين بس ما اعرف شو مشكلة القراءة والتركيز عند بنتي

مرحبا الغالية

بنتج بعدها صغيرة وإن شاءالله بتتعلم وبتقرأ زين

أصبري عليهااا شوي .. وحاولي تعلمينهااا وتخلينها تقرأ

ماعليج من المعلمات يبون الواحد مرة يرطن انكليزي من أول مرة

أنا بنتي في صف ثاني والمعلمة اتقولي بنتج ماتركز عدل وضعيفة

لكن أستغرب من علامتهااا تيب ماشاءالله عليها في فوق (( 80 )) في الشهادة

والإملاء تيب عشرة من عشرة ومرات تسعة في الأمتحانات تيب 45 من 50

مرات بعد مب دوم .. كيف اتقول عنهاا ضعيفة ويبالهااا تقوية

والله أستغرب من هاي المعلمة ..

الغالية المفروووض اللي اعرفه اذا انتي تقصدين انها اول ابتدائي انها تعرف تقرا .. و تركب الكلمه ..
يعني اهم شي تعرف الحرووف و الضمه و الفتح و الكسر … على فكره القراءة تعتمد 100 % على المدرسه .. و بعدين على التديب بالبيت ..
اذا كنتي تحسين انه مدرستها مب لهناك حوليها السنه الياية لمدرسه ثانيه ..
وحاولي انتي تعلمينها القراءه و نفس ما قلتلج اهم شي تدربينها حروووف الهجااء و عقب الفتحه و الضمه و الكسره … و عقب علميها كل الحرووف مع كل انوااع الحركات الضمة و غيرها ..
و عقب كلمة كلمة…
الله يوفقج صراااحه هذا اصعب شي
بس انتي حاولي ..

أنا مشكلتي مثل مشكلج ومحتارة معاها بس ها الحين شوي شوي بس علميها على قرأة الحروف على اساس النطق ولا على الحرف مثلاً إذا بالعربي مثل كلمت تفاح ما نقول التاء نقول ته فا" تكون مد الفاب الالف" ح وإذا انجليزي مثل كلمت car ما نقول حرف سي أي أر بل نقول كار حولي معاها كذا وإنشاء الله تحصلين على هذي أنتيجة