هلا خواتي،،،،
حابة آخذ رأيكم فكرسي السيارة اللي يبيعونه للبيبي … بنتي بتكمل سنتين وحابة اعرف هل يناسب أني اشتري لها كرسي ؟؟؟ والا
وشو نوع الكرسي المناسب؟؟؟ ومن وين أحصله؟؟؟؟؟
أخاف عليها لانها كله تبي تيي قدام عندي وتوقف لي عالكرسي….
منو تعرف تعطيني رأيها بلييييز
ولدي بديت أحطه في كرسي السياره من عمره ست شهور تقريبا .. و لين الحين و ماشاء الله كمل ثلاث سنين
في بيبي شوب بتحصلين أشكال و أنواع ..
مشكورة الغالية رحت اللؤلؤ وحصلت عندهم كراسي من عمر سنة لثمان سنين وبسعر مناسب
عندج بيبي شوب و مذركير عندهم
انا بعد يلست بنتي في كرسي السيارة وعمرها تقربا ست شهور، بداية تمت وايد اتصيح بس مع الايام اتقبلت الكرسي. اذا الله رزقني اب يهال ثاني بيلسه بالكرس وهو رضيع. خذت الكرسي من بيبي شوب ينفع من عمر صفر لين ما يصير وزنه عشرين على ما اعتقد
أنا من كمل ولدي اربعين يوم قمت احطه في الكرسي لاني اسوق ومضطره والحمدلله الحين كمل سنتين وعادي من يركب السيارة سيده يقعد ف كرسيه ولا يصيح ولا يتذمر أبدا وأحسن واكثر الأشكال ف بيبي شوب
انا احطها فيه من عمرها يوم بس بعد مرات اتصيح يوم تبا ترضع ومشكلتها للحين ما اتعودت تنام بروحها بدون ازعاج ><
الله يعين
الله يعين