بنتي والغازات

السلام عليكن خواتي

ممكن تعطوني خبرتكم بنتي عمرها شهر واسبوع وفديتها وايد تعبأنه من الغازات والمغص وماتسوي شيء ف حفاظتها الا شيء خفيف وفديتها تطلع ريحه خايسه ويا غازاتها وعاليومين انا اطلع اللي فبطنها عشان ترتاح، مع اني احاسب على اكلي ويمكن مرات اخبص، شو تنصحوني أسوي

انا بنتي بعد مثل بنتج عمرها شهر وتعبانة وايد من الغازات ومول ما ترقد فالليل تغمضني وااايد بس من كم يوم وديتها العيادة الدكتور عطاها أدوية والحمدلله الحين واااايد احسن احسها مرتاحه وترقد فالليل ندمت أني من قبل ما وديتها ،،، وديها العيادة بيعطونها دوا بيريحها ان شاء الله

ولدي كان يعاني من الغازات من اول ما يبته و وديته العياده مرتين لانه ماكان ينام من الالم
وهذي الاشيا اللي جربتها و نفعت معاي

– قطرة انفاكول قبل الرضااعة
– مساج زيت الزيتون حول السره باتجاه عقارب الساعه
– دهن قاعة الريل بزيت الزيتون لمنع البرد
– رضعه الينسون ممتااااااااازة
– ماي غريب ٥ مل الصبح و المساا

هذي تجربتي والله يعينج الموضوع يحتاج صبرر

اختي يمكن انت ما تخليها تتجشأ بعد ما ترضع,لاااااااازم تحطين راسها على كتفك وتربتين على ظهرها لحد ما تتجشأ بيخرج الهوا الى اخذته مع الرضعه
ويوميا سوي لها رياضة,يعني تحركين ايديها ورجليها يمين وشمال كانها تسوي رياضة,وتضمين الرجول للبطن وترجعين ترخينهم هالعملية تحرك الامعاء وتساعد على الخروج

وعليكي باليانسون 30 مل تكفي بعدها صغيره

اختي يمكن انت ما تخليها تتجشأ بعد ما ترضع,لاااااااازم تحطين راسها على كتفك وتربتين على ظهرها لحد ما تتجشأ بيخرج الهوا الى اخذته مع الرضعه
ويوميا سوي لها رياضة,يعني تحركين ايديها ورجليها يمين وشمال كانها تسوي رياضة,وتضمين الرجول للبطن وترجعين ترخينهم هالعملية تحرك الامعاء وتساعد على الخروج

وعليكي باليانسون 30 مل تكفي بعدها صغيره

انا مع كلامها 100%

وانا شخصيا كنت استخدم قطور اسمها BioGaia وااااااااايد ممتازه

جربي رضعة اليانسون يوميا