بنتي عمرها 4 شهور ، من فترة جربت أعطيها كمن قطرة عصير برتقال
اول مره ما تأثرت لكن المره الثانيه ياها اسهال و التهاب ، توها 4 شهور
والتهاب مب راضي يخف ،حطيتلها صودا كريم واخليها بدون بامبرز احيانا
*تصيح من الالم، قولولي شو الحل علشان يخف الاسهال
هل استمر على الصودا كريم او في شي ثاني اسرع ؟
انا بنتي صارلها جي
والاسهال عطيتها حليب صناعي خالي من اللاكتوز لمدة اسبوع
وبطاطا وارز وروب وتفاح
والالتهاب الدكتور وصفلي دواء ابيض احطه على المكان واهويه
روحي بها الدكتور افضل
هذا غسول للمناطق الحساسه وتقدرين تغسلين جسمها كامل فيه
بعد ما تغسلنه نشفيه المنطقه المحسسه بالطبطبه بالفوطه
وعقب حطي عليها كريم مال الحساسيه اي نوع تستخدميه بكميه حتى تستوي عليها طبقه عازله
وخليها بدون حفاظ
من الشهر السادس ممكن عصير تفاح مخفف بالماي
وعصير البرتقال المخفف بالماي يعطونه آخر شي في الشهر السابع
بشكل عام جنبيها كل انواع الفواكه لين توصل الشهر السادس
الحين ممكن تاكل عيش وخضرة وبس لين تكمل السادس
الروب في السابع
مثل ماقالتلج ام علاوي
غسليها بالماي وصابون طبي او سيباميد لانه خالي من العطور والكحول
تجنبي مناديل المسح هذي الفترة
خليها تتهوا
وحطيلها كريم طفح الحفاظ من سيباميد ممتاز بسرعة يخوز الاحمرار بالكثير يومين
وعقب ممكن تحطيلها مرهم بيبانثين بعد كل غيار على بشرة نظيفة للوقاية
تخيلي ولدي وقت كان عمره 6 شهور سويتله كمثرى مطبوخة حرررررررقته!!!! اسهاله منها حرقته لدرجة طلعتله مثل فقاعة الحرق وانفصل الجلد وحرمت اعطيه كمثرى لين سار عمره فوق السنة ونص
وديتها العيادة ،قالي الدكتور ما أعطيها غير حليب
واغسلها في كل تغير بماي
وكتبلي كريم ميدو ، أحط نقطة بعد ما اغسلها بخمس دقايق
الدكتور هذا الكل يمدحه ، طمني كنت احاتيها *
^
الحمدالله .. وان شاء الله يخف عنهـآ