إشحالكم حريم وأشحال عيالكم ( الله يخليهم إلكم يارب ) ،،،
عندي سالفه وبغيت أخبركم عنها ودخيييييلكم أبه حل ،،،
سلمكم الله ،،، عندي بنوته الشهر الياي بتكمل سنـــه ( الله يحفظها ويخليها يارب) ،،،
لاصقــه فيييييييييييييني 24 ساعه ،،، أذا أنا سرت مكان ولا يالسه في بيتنا نفس الحاله حتى لو أنا
يالسه مب تيلس حذالي وبس لاااااااااااااا شليني وأنتي يالسه ويوم أتي حذالي أنزلها وايلسها تحت ولا
حذالي عاااااااد منو يقول و هي تركب وأنا أنزلها مال 7 مرات لين تتعب وأتصيييييييح ،، أنا
تعبت أخاف أتم متعلقه فيني 24 ساعه ،، حتى وأنا يالسه أطاع تلفزيون أتم أتلعوزني فديتها ههههه
شليني وأنتي يالسه وبخليج تتطالعين تلفزيون ههههههه ،،، وألحين أنا يالسه أكتب الكم المشكله وهي
واقفه وميوده ثيابي وتتطالعني أتخافنــي أشــرد عنها ،،، خخخخخخخ
الصرااحه حلو هالشعووور بس مب 24 ساعه عااااااااد ،،،
حد يواجه نفس مشكلتـــي ،،، فيدونــــــــــــي ،،،
عيل شو رايج انا ولدي احينه لاني اخليه الصبح بيت امي من ارجع من الدوام يشوفني مايبا ولا حد بس انا
ويموت من الصياح اذا ماسويت له سالفه لوول
فهالشي طبيعي وحاولي انج تخلينها دوم ويا اليهال وجي عشان ما تتعلم انها اتم بروحها … وتستوي اجتماعيه …
المشاركة الأصلية كتبت بواسطة zoomyat 
عيل شو رايج انا ولدي احينه لاني اخليه الصبح بيت امي من ارجع من الدوام يشوفني مايبا ولا حد بس انا
ويموت من الصياح اذا ماسويت له سالفه لوول
فهالشي طبيعي وحاولي انج تخلينها دوم ويا اليهال وجي عشان ما تتعلم انها اتم بروحها … وتستوي اجتماعيه …
هلا أم خالد ،،، مشكوره فديتج ،،
فديته خلوودي أنا ،،، هي تستانس على اليهال إذا موجودين ما عندي اي مشكله لان تندمج وياهم
أنا أقصد في يلستي وياها
الخيـــر عدنـــا وعنــدج فــديتج ،، وياليت يفيدوووني انا بعــد ،،
شوفي مع اني اداااوم عنها وماارد البيت الا الظهـــر ،، بس من تشووفني اتم تصيح ،،
ماارووم حتى ابدل ثياااابي عنها !!! تباني شالتنا ويالسه !!!
وحتى يوم احط لهاا قناه تندمج فيها والا العااب ،، يااالسه وتلعب عادي ومستانسه
وتشووفني بس اتحرك خطوتين !!! بشرب مااي انزيين !! شلت الدنيااا من الصياح جنه حد ضاربنها !!!
وعلى فكـــره ،،
يوم انا وياها ماطيع تبى حد !! ملعوووزتني تلعووويـــــز
ابغي اعلمها تكوون اجتمااعيــه وتخالط الناس بس منووو يقووول !!!!
شليني انتي وانا بلعب ،، بس محد يشلني !!! ومابصيح !!!!
الله يعينا على هالجيـــل والله ،،، متعبيــن صراحه !!
ومثل ماااقلتي .. احساااااااااس حلووو …
بس هب دوووم …
وتراني اخليها مرات عشان تتعود على اني ماكون موجوده عند قوم امايه ولا حد
بس منو يقول ،، مرات تلعب ومرات اطفر فيهــم ،،
وانا استحي بعد اخليها دووم واطلع عنها السووق والا مكااان ،،
بس شووو بنقول غير الله المستعاان !!
ننتــظر حلووول وتجااارب خواتــنا الباااقيــات
فديتها احب هالحركات
انا بنتي 4 سنوات متخبلة علي كل دقيقة اتي عندي تقولي واااااايد احبج … ساعات امل اقولها زين زيييييييييين تقولي ماماااااااا افحكي وياي يعني اضحكي وياي لوووول
فديت الحلوييين ياربي خليها تتدلع كم فظامي عندج
والله هالهالة متفشية في المجتمع خخخ
سلومتي فديتها كانت عاااااادي تروح عند أي حد..
بس من فهمت وكبرت اشوي صااارت مااااا ترضى ترووح..
اتم لاااااصقة فيني..
تخيلوااا ،، لو يالسة عادي تلعب،، بس لو تحركت تصييييح..
ساعات أصلي وانا مب حاسة فعمري من صياحهاا .. واتم لااصقة فشيلة الصلااا.. واشوي اتيي وتيلس عالسيادة…
ولو دخلت الحمام (الله يعزكم) تيلس عند الباب وتدقدق الباب وتصيييييح…..
يعني أحسه شي طبيعي،، لين ما تمشي،، بتتعود تبتعد عنج،،
عقب بتدورينها دوارة وما بتحصلينها خخخ…
فدييتهم والله…