اسمحولي بنات أنا بدخل فالموضوع على طول
بنات من ثلاث أيام تقريبا صار لي التهاب بصدري والحلمات تطلع منها دم
فالدكتورة قالت لي لا ترضعين بنتج لمدة يومين عشان ترتاح الحلمات
أنا بنتي عمرها ثلاث شهور
واليوم من الصبح أحاول اني أرضعها بس هي مب طايعه ترضع أبدا
بنات أنا أخاف انها ما ترضع من صدري خلاص
والله اني حاولت فيها وايد
حبايبي دخيلكم قولوا لي شو أسوي
اتريا ردودكم حبايبي
الله يكون فعونج يارب
و الحمد الله … مرت الايام ^^
في كريم اسمه زبدة الكاكاو لتشققات الحلمه وايد ممتاااااز , انا بصراحه اشله فشنطة المستشفى من اول الرضاعه وتبدا التشققات .
شوفي اختي رظعي بنتج من اليمين مثلا ومن تخلص غسلي صدرج بماي وحطي الكريم وقطنه الصدر وبعدين يوم تبين ترضعينها رظعيها من اليسار ومن تخلص سوي نفس الشي غسلي وحطي الكريم والقطنه ويوم تنش بتردين ترظعينها من اليمن بيكون مر وقت على الكريم بس غسليه بماي مايظر البيبي مب لازم صابون وبسرعه من اول مرتين تلاحظين الفرق اهم شي تغسلينه بماي عشان ينفعج الكريم وناوبي بين الجهيتن .
بصراحه هالكريم اكثر من راااااااااااااااااااااااائع
يووعي بنتج وبترضع دامج بترضعينها ولا تعطينها صناعي وبترد للصدر .
ومااتشوووفين شرررررر.
ان شاء الله يارب ترضع مرة ثانية من صدري
ومثل ما قالولج البنات لا ترضعينها جدام حد واذا انجبرتي غطي صدرج حبيبتي والله العين حق
انا في بجري كنت ما افهم وارضعها جدام كل حد فالمستشفى وانضربت بعين وقامت بنتي من خامس يوم على ولادتها تصارخ كل ما حطيتها على صدري وماطاعت ترضع منه ابدا" ومنها تبت ما ارضع جدام حد