منو عندها فكره عن هالشي : تخبرني رجاء : ودي اكون متحضره …….
و الي عنده افكره : تفهمني هالفحص كيف يتم ؟؟؟؟؟
يقولون : عن طريق حقن الالوان و لا ما اعرف شو ؟؟؟؟؟؟؟؟؟؟
يا ريت يا بنات الي عندها فكره تخبرني ……و هل عادي : عقب ما يسوون هالشي : الوحده تطلع تمشي عادي ….. و لازم يكون احد وياها عشان يساعدها ؟؟؟؟؟؟؟؟؟
الي عندها فكره عن هالفحص بنات : يا ريت : تخبرني بالتفصييييييييييل : و هل يسوون الفحص بالتخدير و لاب دووون ؟؟؟؟؟؟؟؟؟؟؟
وانصدمن صدمه عمري وهالشي خلاني اتعقد
والله اني ما ابالغ وزين انج سالتي وما تروحين على عماج شراتي
شوفي هم بيخدرونج شوي تحت وبيعطونج ابرتين اظن
وينفخون لج بطنج لكن انا حطولي قطعة خضرا يددامي ملا العمليات كيف عسب ما اشوفهن شو يسون فيني
لكن كنت احس
والله في قلبي كنت اقول خلاص ما ابا عيال واصيييح واقول وين امي وين ريلي كنت بروحي داخل الغرفة
وعقب ما خلصن سارت السستر تزقر ريلي وانا اصيح وهو مستغرب على باله اشعه عادية
يقولي شو فيج وانا اتالم واصيح
ادري اني خوفتج بس اذا عندج خلفية عن الموضوع احسن من ولا شي
والسموحة
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان
ويالله ترزق كل محرومهـ عاجل غير آجل يارب العالمين
.
الفحص اب مؤلم لهاي الدرجة يعني الم محتمل اب مبالغ فية ..
يعطونج ابرة مخدرة
وعقب يدخلون مادة شرات اللون في الرحم وتم تضغط الين تشوف في التصوير ان الانابيب سليمة والرحم شكلة سليم …
ويقولج يتم الحمل طبيعي عقب هذه العملية لانها تفتح الانابيب عدل ..
والله يرزقج ويرزقنااااااااااا جميعا
انا سويت الاشعه بس كانت فظيعه الصراحه ما توقعتها جذيه بس الحمدالله عدت على خير وحملت في نفس الشهر والويع عادي تتحملينه يعني مب لدرجه كبيرة … بس على فكره يمكن الاشعه وعوارها على حسب المستشفى وطريقتهم … الله يرزقج بالذرية الصالحه وان شاء الله ما تحسين بعوار الاشعه
انا سويت الفحص بس ما كان عندي اي فكرة كيف يسونه اتحرى اشعه وخلاص واروح البيت الدكتوره يوم شافتني قالت لي الدكتوره بس بروحج ما عندج احد في خاطري يالسه اقول ليش هاي جي تقول اشعة مايبالها تيب احد وياك
وعقب سارت وحطت لي مثل الحديده داخل علشان تفتح الرحم وسارت وحطت الابره الي فيها الماده الملونه علشان تبين الانابيب بس صدق عوار ما تحملت الالم يوم خلصت الدكتوره نزلت من السرير الا شوي امشي مادريت بعمري الا طايحه اغمى عليه وخلوني عندهم ساعتين ارتاح """حبيبتي نقولج ها المعلومات ما نبا نخوفج بس علشان تستعدين نفسيا واهم شيء ما تروحين بروحج """"والله يوفقج