بنات مليت وافكر بالطلاق

تعرفون موضوعي اللي رمستكم عنه

ريلي وااايد يعز و يحب خواته علي
لدرجه انه يركب اخته جدام ف السياره وانا ورى

كل همه اهله
ما يبى يسلم على اهلي
وعادي يتم عند اهله 4 2 ساعه

مليت مليت مليت

ما حبيت هلاالسلوب
حريم اخوانه مطنشين خواته و كل واحد من اخوانه مسوي قدر لحرمته
انا الطيبه معاهم
و هو يبى يكون الزين عند خواته
لاعت جبدي

ساعدوني

اااااااااااااب

تطلقين لانه يهتم باخواته..؟؟؟؟؟

ادعي ربج انه يحنن قلبه عليج
ولا تفكرين فالطلاق لانه
مب سهل

اختي مبين انك صغيرة بالسن ., الطلاق يالغالية مب حاجة سهله .,

يعني قولي لا سمح الله ريلي يشرب !! ريلي يخون!! ريلي يضربني!! ومليت من العيشة !!

بنقول لك معاك الحق والطلاق افضل لك

لكن تقولين ريلي يقعد ما اهله ويطلع اخته قدام ووو هالاشياء مشاكل بسيطة ومب سبب للطلاق

مب كل مشكلة تلقينها في الحياه الزوجية حلها في الطلاق .,

فديتك لفي القسم وشوفي ياما قصص وبلاوي وتلقينهم صابرين عليها

وقولي الحمد لله انه ريلك مشكلته انه متعلق بأهلة .,

كم زوجه تشكي انه متعلق بربعه وما تشوفه الا وقت النوم هذا الي تخافين منه ., لكن زوجك فيه الخير

حاولي تاجلين مسألة الحمل في الوقت الحالي

لين تشوفين نفسك انك قد تحمل الحياه الزوجيه ومشاكلها

لانة مافي حياه بدون مشاكل بس مشكله عن مشكلة تختلف

لذا انصحك تنتبهي لمسألة الحمل لانه هنا الطلاق يكون ظلم لروح بينكم فانتبهي لهنقطة جيداً

انصحك بالدعاء لزوجك ان يحنن ربي قلبه ويصلحه ويهديه .,

وربي يصلح امرك., وما تزعلي من كلامي اذا قسوت عليك فيه

فرج الله همك .,

الغاليه ترومين تحلين الموضوع وتغيرين الوضع من حال لأحسن حال بالأسلوب الحلو والتفاهم لا تقولين اهتمامك كله فخواتك بذكاءج حاولي تغيرينه . اما حبه لأهله لا تزعلين هذا دليل على انه ريال سنع محترم يخاف على اهله ويحبهم يعني يخاف عليج ويحبج لأنه جزء منه حبيبتي افهمي الي ما فيه خير فأهله ما خير فالناس . عليج بالدعاء عسى الله يحنن قلبه عليج .