حي الله العرايس ^_*
قريت عن كثير من البنات اللي تتخبر عن طريقه المسك في التنظيف المنطقه الحساسه
ان شاء الله بفيدكن بشي
والله ييسر اموركن ويوفقكن في حياتكن
يالله بسم الله
بتلاقن عند عبد الصمد القريشي "مسك الحجر"
هاتن ماي " أفضل المسافي" مع ماي ورد "مب ماي الزهر لان شي فررررق"
المهم
تكسرين شويه من المسك " هو اييج كدائره متوسطه"
اكسري جزء " واحطنيه شويه "وحطيه في كوب زجاجي وحطي عليه ماي الورد والمسافي
يعني مثلا ملعقتين في كوب "مثل الشكر في الجاهي"
وخلاف تخلطن شويه هب بصبوعج هههههههههههه "هاي العيازه اللي ما فيها تروح المطبخ"
لان هذا المحلول بيتنظف في مكان حساس فلازم نراعي ها الشي اوكيه يا حلوات
وبعد الخلط
تيبين قطنه "القطن لي يبيعونه في الجمعيات"
للبنات: حبيباتيه تغطن القطنه في المحلول "يمكن وضعه في غرشه عشان يكون محفوظ وتقدرين تستخدمينه خلاف " وتمررين القطنه في المنطقه
بس تحذري لازم من قدام لين ورا مب العكس
والمتزوجه : اي مكان وراى قدام هههههههههه اسولف
نفس الحاله من قدام لين ورى بس مع شغله دخلي القطنه داخل عشان تتنظف المنطقه
استعملن القطنه مره وحده وعقنها
وصدقنّيه خواتيه ان الريحه الحلوه تعلق فيج وفي الملابس جننننناااااان
وان شاء الله استفدتن
بارك الله فيكن
وفقكن الله
يا مرحبا الساااااااع
بس انا سمعت ان بعد المسك السائل زين 
بس وين يبيعونه ؟؟؟ وين محلهم ؟؟؟؟
خبرتني بنت خالتي هالطريقه بالضبط نفس اللي قلتيه