بنات ساعدوني بسي تعبت من زوجي……. لتربية الطفل

السلام عليكم اشحلكم بنات
اصراحه بسي تعبت من زوجي كل مره يسافر مع ربعه من مكان لمكان وانا اعترض بس بعدين ارضى ويقول رضيتي ولا مارضيتي بسير وبسافر واخر مره سافر الكويت من بعد العيد الاضحى والحين عنده اجازه شهر ويقول بسافر الكويت وبعدها مصر انا مليت تعبت من كثر سفراته وطلعاته لا اتقولولي ساحليه بالكلام الحلو او بعد ماي من السفر سوليه مفاجئة بس من كثر مااسوي وساحل بس ماشي فيده ويقول انا قلت لربعي كلمه ومابردها ساعدوني شو اسوي والقهر اني هذه السنة ماسفرت عسب ربيت في الصيف يعني بدال يسافر مع ربعه يطلعني ساعدوني برد عليه…….

الله يعينج أختي … ما بيدج حيلة دام انه قرر يسافر ولانه خلاص تعود على السفر حتى لو زعلتي وما رضيتي

الله يهديه لج ويوفقكم دنيا وآخره

الله يعينج ><

جوفي الغاليه عندي لج حل

بس النتيجه مابتظهر بسرعه يبالج صبر

لااتخلينه يرتاح زني ع راسه ليل نهار بيني له انج متضايجه منه وبايده ايريحج

بيحس انه افقتقد الراحه والوناسه وياج

وانا مااتحمل المسؤوليه

بس انا مجربه ^^

لاحول والا قوة الا بالله الرجال بس راحتهم
الله يهديه والله هذا مش حالج بس حال الاغلبيه

شوفي اختي في وحده كان رياله يسافر دوم عنها وهي ساكته وبعدين طفح فيها الكيد وقالت حكه بسافر الله يحفظك بس يوم ترجع اسفرني او تحجز لي في فندق مده اسبوع مثل ما انته بترتاح لزم انا ارتاح والله يوفقك في سفرتك وبعد سنتين مل الريال من السفر وشاف يوم يسير مع حرمته يكون مرتاح وايد عن السفر مع ربعه وهي ما اتقصر فيه من دلع ولبس وكشخه
قولي حكه يوم ترجع لزم اطلعني مثل ما خذت اجازه حك نفسك خذ اجازه لي بس مب شرط يسفرج من اول مره بتدريج
والله يوفقج ويهدي ريالج

حسبي الله عليهم يدورون وناستهم وناسين حريمهم الغاليه راويه منج العين الحمره ولا تضحكين له وتخلينه يقص عليج قوليله بروح بيت هلي ومابرجع وباخذ سيد سيدك مب واحد مراهق مال سفر وخرابيط