بنات بكتب لكم قصتي كامله من الألف لين الياء
أنا صار لي متزوجه تقريبا سنتين و نص و عندي ولد الله يحفظه عمره سنه و نص و ريلي مو من العايله يعني ما لي اهوه من مدينة و انا من مدينه
الحمدلله من تزوجت عقبها بشهرين حملت و يبت ولد
طبعا لي قسمي الخاص في بيت أهل ريلي و طبعا من سكنت عندهم ابتدت معاملة العنف معاي من ام ريلي من دون سبب
و انا ابلع هم و قهر طبعا حملت اول مره و ربي ما كتب لي و اجهضت لنه يتني حمى قويه و اجهضت
طبعا بدت المعامله السيئه من ام ريلي و زوجي يشوف و احس انه مستحي و ما يقدر يتكلم و مهما كان امه جنته و ناره و اقول ماعلي حرمه كبيره في السن و يمكن جذي طبعها
طبعا يوم عن يوم و المعامله تزداد سوء
و انا ساكته لنه اقول ما يصير أسبب مشكله دام اني يالسه في بيتهمو مهما كان إلهم أحترمهم و طبعا من حملت لزم افتح ملف عشان أراجع وضع الجنين و الفحص طبعا ريلي قالي أفتح ملف في نفس المدينه ألي ساكنه فيها و كان النقاش جدام او ريلي و أخت ريلي الكبيره و الله العظيم من ريلي قالي افتحي ملف بكره في المستشفى الفلاني والله حسيت انهم انفجرو من الصراخ لا لا خلها تسير عند امها و خلها تراجع هناك نفس المكان إلي في أهلها لا ما تفتح ملف عندنا
يا ربي قلت إلا هي مراجعه كل شهر لين ايلس أضرب خطلين هناك ساعتين درب بس عشان مراجعه ما تاخذ مني وقت و هم قلت ماعلي احسن لي أسير هناك و من فتحت الملف و يلست أراجع هناك طبعا من دخلت السابع و بدت او ريلي تحن على راسي تقولي يلا شلي قشارج و سيري عند هلج و كل ساعه تفاول علي تقولي يمكن تربين قبل التاسع ما تعرفين شو بيستوي لج و يلست تحن ما تسكت كلما تشوفني تيلس تحن على راسي و قلت دامهمما يبوني أحسن لي أسير عند اهلي و طبعا أهلي محد كانو مسافرين طبعا من دخلت السابع طردتني أم ريلي من البيت و حليلي محد كان عندي بروحي في البيت
وريلي دوامه مكانه بعيد على الحدود يعني يداوم عشرة أيام و عشرة أيام اجازه طبعا كان ايسير الدوام و أيرد أيي عندي
طبعا ارتحت وايد في بيت اهلي من ناحية الريوق و الغدا و العشا ما كانت الطباخه تقصر مالت بيت أبوي كانت تسوي كل شي و ريلي هم حسيته مرتاح وايد
و كنا نطلع على راحتنا و نسير نحوط و نرد البيت على راحتنا
المهم رجعواهلي من السفر كنت حزتها في نص التاسع وكملت شهري و خلصت التاسع و ما ياني طلق
و قالت الدكتوره خلينا نصبر و نشوف و آخر موعد سرت لها قالت لي بنولدج قيصري توكلت على الله و وافقت طبعا في البدايه صحت صياح مثل اليهال لمن قالت لي و حتى ريلي يوم سمعها حسيت انه عيونه دمعت و الحمدلله جهزت عمري و كل شي لكن سبحان الله في اليوم إلي كانومقررين لي عمليه قمت حق صلاة الفجر أنه نزل علي ماي الياهل أهوه الهادي و على طول على المستشفى وكان معاي ريلي و امي و اختي و الحمدلله دخلوني العمليات و ما طولت و عقب ما ظهرت من العنايه طبعا ريلي بشر اهله و امه و الله العظيم ما تتصورون شنو قالت امه ها ربت بالعمليه و لا طبيعي و لا تقول كم وزن الياهل
طبعا مثل ما تعرفون مش حلوه الواحد يسأل عن وزن الياهل لكن عديناها على لها
المهم صار حزة طلعتي من الأربعين و الله العظيم ان ام ريلي تقول حق ريلي لا ترجع حرمتك البيت أصبر خلها عند أهلها و طبعا طولت يمكن ثلاث شهور عند اهلي
ما قلت شي قلت احسن أيلس عند امي لأني ما كنت أعرف حق الياهل وايد المهم عقب الثلاث شهور رديت البيت و الله العظيم و أقسم بربي انهم ما ساعدوني في شي و الله العظيم أني كنت ادش أتسبح و احط الياهل جدام باب الحمام و انتو بكرامه في غرفة الملابس و لا قالو هاتي نحنا بنقبضه عنج وقت تدخلين الحمام ابدا نهائيا كانو يضحكون علي و الله العظيم كانو شويصيح بذبح عمره من الصياح ولدي و كنت مشيه حالي لين ما يت مره اخو ريلي نعم انها الوحيده إلي ما قصرت وياي نعم أنها حرمه كانت أتيي تاخذ ولدي وقت إلي كنت اتسبح و 10 دقايق ألي كنت اتسبح تيي و تيلس مع ولدي و هي كانت تسبحه و هي كانت تشله عني وقت اكون مشغوله انا
و الله يعني عن جد تعبت وقت ما كان ولدي صغير و صح كانت عندي خدامه لكن كنت اخاف أخلي ولدي عندها و لا كنت اتغدى و لا أتريق و لا اتعشى يعني كنت في حال محد يعلم فيه غير رب العالمين
عقبها كبر شوي و بما اني منت احس انه خدامتي زينه فكنت وقت ما اتسبح اخلي ولدي عندها و عندي كيمرة الاتصالات كنت أراقبها و الحمدلله ما قط شفت عليها شي بس اللهم وقت السبوح اخلي ولدي عندها و اما شي غير ما تصك ولدي الحمدلله انا أسبحه و انا أوكله و أنا أرقده و أبدله و كل شي ما احب أعتمد على الخدم
المهم مرت الايام و كبر ولدي قامو اهل ريلي كل ساعه يحنون علي انه خلي الخدامه تربي الولد طبعا أنا ما أيد هاي الفكره نهائيا لأني خوات ريلي أعتمادهم كليا على الخدم في عيالهم اللهم الام يالسه مثل العروس بس تعطي اوامر أنا وحدهما أيد هاي الفكره نهائيا
طبها يلسو يعلقون علي و كل ما اكون يالسه يعقون تعليقاتهم علي طبعا انا اطنش أسوي ألي يريحني ما علي من كلام الناس
المهم طبعا عندي اخت ريلي متزوجه و ساكنه في مدينه بعيده عن مدينتنا وما أتيي أتزور أهلها إلا كل أسبوعين في الويك إند بحكم انه عيالها عليهم مدارس
و عاد هاي عندها أربع خدامات لكل ياهل خدامه الله وكيلكم
طبعا لين أتيي تكون مثل العروس بس تعطي اوامر و الله العظيم تحسبني أنا مثل الخدامه لها تيلس تتامر علي أقولج روحي طبخي لنا !! روحي قطعي لي سلطه !! روحي هاتيلي ماي !! روحي سويلنا شي حق العشا !! طبعا هذا دايما كلامها !! بالله عليكم هذا الاسلوب يعجبكم !!!
و أذا سرت المطبخ و سويت عشا حق ريلي تيلس تعطيني اوامر اقولج لزم الساعه سبع يكون مخلص!!
لزم الاكل يكون حار لين ينغرف !!
والله العظيم احسها ما عندها أسلوب !! نهائيا
و عمري ما أشتكيت لريلي أقول عشان ما يقول اني ما أحب اهله
طبعا البارحه صار موقف و قلت لزم اوقفها عند حدها
نزلت العصر الساعه خمس و نص و أول ما شافتني إلا تقولي شو كنت راقده !! طبعا أنا مفوله عليها و قلت لها بمزحه أتصدقين تنفعين تكونين ام ريل متسلطه لنج وايد تسألين
دايما هاي أسألتج متى نشيتي الصبح ؟ و وقدتي الظهر ؟؟
غيريهم الأسئله !! وانا ألظحك طبعا !!
شو يا بنات بشو تنصحوني !!!
كيف اتعامل معاهم !!
انتي اهم شي انج اتخلي نفسج زينه وياهم وانصحج انج اتخلين علاقتج سطحيه وياهم واهم شي ريلج ما تزعلينه عشان يعرف انج دوووم على حق واهله هم اللي مقصرين
ولا تكدرين بعمرج ولا غيره وكل ما حصلتي فرصه روحي بيت اهلج غيري جو احسن لج
الله يعينج ويوفقج ويخليلج ولدج ان شاء الله
تضربج يعني ؟!
انا امي يوم تروح بيت يدتي ( امها ) طبعا عايشه هناك مرت خالي فديتها
امي ابد ما تدش المطبخ لانها تقول ها مب بيتي بيت امي و مرت اخوي ؟!
فتطلب من الخدم ومرت خالي فديتها ما تقصر و لا يدووه هي بروحها تييب لنا اي شي من غير ما نقول
فلا تلومينها
لكن لو تعبانه ترومين تقولين للخدامه قداام اخت ريلج سوي و افعلي و قولي لاخت ريلج سامحيني فلانه والله تعبانه و ريولي ما تشيلني
ام ريلج اعتبريها مثل بنتج
لو قالت لي شي و عصبت قوليلها باسلوب حلو خليج احسن من بنتها بعد
قولي يعني خالتي انا تعبانه و اروح مشوار ساعتين عشان فحص حرام اتعب فلان ولدها و بعدين ترضينها لفلانه بنتها اعتبريني فلانه بنتها و خلي كلامج يقطر عسل و صوت ناعم و احظني ايدها
عادي مافيها شي حسبت امج
لا تنتظرين منهم شي
يمكن هم مب متعودين عالسنع علمييهم
يوم تبين تسبحين ولا اي شي قولي لام ريلج
خالتي ممكن تمسكين فلان ( ولدج) حبيب قلج ولد الغااالي وت ايفر من هالكلاام شويه بس اخاف يستويبه شي و مافي احن واطيب منج انا ااتمنه على ولدي يدته حبيبته
هي بتنرحج وبتشله عنج حتى لو من ورى خاطرها ترا المشكله بينج و بينها ولدج حبيبها من وراج تحبه حفيدها هذا
خللييج ذكيه
و اسئلة اخت ريلج ترا في ناس جيه فضوول او ما عندهم حدود للاسئله بس على طوول يسئلون ما يفكروون
بس انتي يوم تسالج قوليلها بحسن نيه و برااءه ليش صار شي او ما اذكر ليش كنتي تبيني ؟ حد سأل عني ؟
قالت لا بس جيه قوليلها انتي ما نشيتي
او اول ما توصل ابدي اسئلي و اسئلي لين روحها تمل و توصلها حتى لو بعد 20 سنه ترا اكيد حتى ريلها جيه تساله
لانه طبع خايس
المهم
لا تكبرين الموضوع
و ريحي دمااغك عقولت اخوانا المصريين
و بعدج في بدايت الطريق
قداامج وايد
انا اقولج همج ريلج ولدج
اسعدي ريلج قد ما تقدرين واحس انتي اللي تسوينه صح ماشاء الله عليج
في النهايه بيكون لج بيت مستغل عنهم صدقين واكثري من الاستغقار
عقبها سكت و قلت دامها خدامتي عندي و انا زينه وياها عشان ولدي و الحمدلله خدامتي زينه و محترمه و ما يظهر منها صوت تشتغل و هل ساكته و الحمدلله مشيه حالها
و الحمدلله دوم أستغفر و أالبقره على طول شغاله عندي في قسمياحط على قناة المجد و على طول القرأن يشتغل
الحمدلله دوم احاول اكون سطحيه معاهم و ما أتداخل معاهم نهائيا يعني كافه خيري من شري ما اتدخل نهائيا و ربي شاهد علي
لكن تدخلاتهم دايما من جميع النواحي
حتى لو بيشوفوني طالبه من الدكان عصير و لا ايسكريم لزم يسئلون شو ها ؟
و هاتي نشوف ! و طبعا انا من يومها ما اطلب نهائيا !!
و الحمدلله يوم أطنش أحسهم وايد يطفرون !! يعني يقولون هاي ما تحس!!
بس الحمدلله على كل حال !!