اشحالكم بنات
بغيت اتناقش وياكم بخصوص العيال
شو تفضلون وشو الاريح انكم اتيبونهم ورا بعض والا بينهم اكثر من سنه
وكل وحده اتقولنا تجربتها
انا بالنسبه الي احس احسن الواحد اييب العدد الي حاطنه في باله وعقب يبدا يخطط حياته
انا يبت اثنين ورا بعض صح تعبت فالبدايه بس الحين الحمدلله مرتاحه واخطط للثالث بس قلت اشوف تجاربكم
يلعبون مع بعض .. ويستااانسووون …
بس بالنسبه لي…. لازم تكون المده بينهم سنتين او سنه ونص ..
لان من وجهة نظري .. الماما لازم تاخذ راااحــه …
وتهتم بنفسها شوي … لان اذا ما فيه مده بين البيبي والثاني بتهلك الام .. والتربيه نص ونص ..
والاعتماد على الخدامات وغيره…
يوم افكر بالمستقبل بعد 20 سنه .. اتخيل العايله كبيره …
حلو يكون العيااال ورا بعض وكبار ينفعون اهلهم ..
بس يوم ارجع للواقع واشوف الصغار احس التربيه شوي صعبه ><…
الله يوفق كل ام .. ويرزقها على ما تبااا يااا رب
وتقبلي مروري ^^
بس انا يبنت بنوتي الاولى وعقب الثانيه والفرق مابينهن سنتين والحين حملت بسرعه على بنتي الثانيه يوم كان عمرها تسع شهوور يعني لين ما أربي بيكون مابينهن سنه و6 شهور الحمدلله على كل حال ..
بس أفضل مايكونون ورا بعض عشان التربيه وف نفس الوقت الام تاخذ راحتها شوي من ناحية الاهتمام ف عمرها والخ…
عشان يربون و يكبرو ن ويا بعض
مايكون فرق في السن مابينهم
من ناحيه التربيه والإهتمام بيخف يوم اتييبين الثاني يعني من هالناحيه أحسن اتخلين بينهم فرق عشان تعطين كل واحد حقه في التربيه
والله ايخلي لكم اعيالكم ويحفظهم من كل شر آمين
آراء مختلفة كلكم!!
عندي 3 اولاد
ورى بعض
احمل على كل واحد واهو يكون ست شهور تقريبا
الكبير بيكمل السنة الرابعة بشهر 3/3
تعبت بالاول عقب الثاني والثالث
صح تعب مرة وحدة بس المتعب انه ورى بعض
انا اشوف لو يكمل الطفل الاول سنة او سنة ونص عقب الام تحمل يكون افضل بوايد، حاليا انا موقفة حمل باذن الله لين ما ارتاااااااااااح اكثر، والحمد لله ارتحت شوي من صدعة الصريخ بالليل والحشرة، ورجعت لكشختي واناقتي واهتمامي بنفسي
اخواتي كلهم جي مسوييين واختي وحدة الحين مطولة بالحمل
ومرتاحة من عيالها خلاص كبرو
وخاصة اللي تبدأ ببنت احس حلو
انا كان خاطري اول شئ ببنت ما فكرت ان الولد اول شئ يرفع راس الريال لالا ما فكرت هالتفكير
بس التفكير الزين بحالتي
اني تعبت من وراهم وتربيتهم بس التعب مرة وحدة
وان هم اولاد: غير عن البنااات ، البنت تحتاج اهتمام ورعاية ووايد اشياء اكثر من الولد
الولد خلاص بيكون ريال ومسؤوول عن نفسه والاب يكون اكثر مسؤوول عنه، كون انه بيصير كبير بالمستقبل وبيعتمد على نفسه واكيد بيكون خارج البيت اكثر====<هذي وجهة نظري
بس انا اكيد ما بهد عيالي على راحتهم مهما كبرو انا وراهم لين اتطن انهم بخير واصحابهم اللي معاهم اوكي وووو..
يعني هالسوالف
فانا اشوف ان بين كل طفل وطفل سنتين ا و3 بسسسسسسسسسسس
يكون افضل