بنات الله يخليكم كل وحدة تدخل الموضوع تدعيلي بالشفاء .. .gif "12 (17)")
وانه الله يعافيني من هالكحة .. والله كارهة حياتي والسبة هالكحة والله اكتب الموضوع وانا دموعي عخدي .. انا بالسادس الحين .. وتذكروني قبل كنت حاطة موضوع عن هالكحة .. بس كملت 3 اسابيع ومب راضية تخف … خذيت الاكسجين وماسوا شي .. وصفتلي الدكتورة مضاد حيوي ودوا حق الحساسية 5 ايام .. وماراحت..بس شوي خفت صارت تييني في الساعة مرتين ثلاث بس تقتلني شرات نوبات الربو تقطع نفسي وايد تعذبني.. رديت عالدكتورة .. وصفتلي مرة ثانية دوا حساسية .. وبخاخ للتنفس .. وشراب .. وخذيتهم 5 ايام وبعد مافي فايدة صارت تييني كل ساعة مرة .. بس تييني 7 او 8 كحات متواصلة وتخليني ارجع كل اللي في بطني (اي شي اكله).. متخيلين الوضع .. والله تعبت .. واحس ريلي مل مني .. صايرة عصبية بسبت هالكحة والمكيف محروم منه من شهر .. غامضني بس مب بايدي وريلي قالي بوديج عند الدكتورة .. بس انا خيفانة من الادوية لا تأثر عالبيبي .. حتى الصياح محرومة منه يهيج الكحة.. هذا اول بيبي حقي بعد اجهاضين وبعد 3 سنوات .. وايد كليت ادوية وخيفانة عليه .. شربت الزعتر والمرمية والزنجبيل .. بس ما في فايدة .. والله لما اكح .. احس انه روحي بتطلع .. ينقطع نفسي .gif "12 (15)")
والله دايما اقعد اتخيل اني بموت خلاص من هالكحة .. اللي صايرة شرات نوبة الربو ماترحم.. للعلم اني ماعانيت قبل من حساسية ولاربو .. هذي اول مرة .. ادعولي يا بنات .. خاطري اكمل الحمل واشوف ولدي بين حضني .gif "12 (46)")
ليش ماتتبوخين في ماي الزعتر عمتي جي تسوي فيني تقول زين حق صدرج،،،
والله يتمم عليج حملج ويثبته يااارب،،
بس لاتستعملين ادويه وايد لأنه مب زين يمكن الياهل ينظر او انت لا سمح الله ،،،
المشاركة الأصلية كتبت بواسطة الحلــوه 
الغالية شو تقصدين بتتبوخين ؟؟؟
بس مب زين تحلفينا …
عزيزتي ..
بتدعيين لي 
ماي داافي حطي قفشة عسل واخلطيه لين مايذوب واشوي اعصري ليمون ..
واشربيه عن تجربه ماشاء الله بتسير على طول بأمر الله ..
بس استمري عليه لين ماتتحسنين ولازم عسل اصلي ..
وبعد لاتنسين قبل لاتشربينه كرري سورة الفاتحه كما ذكر عن فوائدها ابن القيم رحمها الله ..
الغالية… عليج بالعسل مع ثوم وحبة البركة …. يعني مثلا صبيلج في غرشة عسل كثر كوب وحطي
علية 2 فصين ثوم مدقوق وايد و1 ملعقة طعام حبة البركة مطحونة وخلطيهم مع بعض وخذي على
الريج، ملعقة صغيرة كل يوم …. وفوري حلول وتبخري يعني تنشقيه ولحفي راسج بلحاف عشان
تستفيدين…وارجع ااكد انا ماقلت اتبخري من تحت لااا تتبخرينة عن خشمج وثمج مثل حمام بخار للوجه
ان شاء الله قدرت اوصلج الطريقة والمعلومة ……..وسلامااااااات
وامانة ماتنسييين تتدعيلي
وحافظي على اذكاء الصباح والمساء والرقية الشرعية << اقري المعوذات 3 مرات ومسحي على جسمج كامل كل يوم
<< اللهم رب الناس اذهب الباس واشف انت الشافي شفاء لا يغادر سقما ..
<< اللهم اني اعوذ بك من شر ما اجد واحاذر .. ومسحي على مكان الالم ..
شربي عسل وماء زمزم مقراي علية .. وراح تشفين باذن الله وما راح تحتاجين للادوية ،،