بغيت اسألكم وانا وايد ضايعه في هالموضوع..
الحين يوم يقولون لي المينو 250 للشخص.. وانا معازيمي 500 .. بيطلع 125000 صح؟؟
انزين هذا شو بالضبء بس الاكل والطاولات..؟ في سعر ثاني يكون للقاعه والا يوم يقولون جيه يعني هذا كل شي؟
استحيت اسأل اخاف اسأل ويتحروني ما اعرف شي ويزيدون الاسعار علي..
اول مره اجرب اسوي ..
تراه مب لي انا .. أرتب لأختي.
بس احس جيه ضايعه .. مااعرف شي ..
ممكن تفهموني علشان ماينقص علي؟
كاتبين في الموقع ، 300 للشخص وحاطين اشياء كثيره من ضمن الباكيج..
بس هذا يشمل القاعه والا ادفع للقاعه شي والباقي شي والا كيف ترتيبهم؟
بما إنج اخترتي أتلانتس برمس عن هالمكان
تبدأ الأسعار من 300 للشخص الواحد , ومعازيمكم 500 شخص
نضرب سعر المنيو ف عدد المعازيم =سعر القاعة
500X 300= بــ 150000
هالــ 150 يكون سعر القاعة شامل الأكل والشرب والطاولات والكراسي العاديه مالتهم مع كفر الطاولات والكراسي والصحون بس بدون الكوشة بدون السنتر بيس بدون أنظمة صوتية بدون إضاءة خاصه بدون أي شي ثاني
وفي أشياء يقدمونها مجاناً حق المعاريس مثل خدمة صف السيارات ,ليلة واحده مجاناً للعروسين ,كيكة العرس 3 طوابق,سبا حق العروس ساعة كامله مجاناً… يعني جي
طبعاً ع حسب الفندق اللي بتحجزون فيه و ع حسب سعر المنيو
كل ما اخترتوا المنيو الاغلى يعطونكم أشياء فري زياده حق المعاريس
إذا تبون كوشة من عندهم وسنتر بيس من عندهم وورود وباقي الأمور طبعاً السعر بيزيد
وليش تستحين تسئلين فديتج عادي من حقج تعرفين
وأي سؤال من عيوني
ويا مرحبا بج
اسالي الشخص المسؤول عن الحجوزات بالفندق
ومن حقك تسالي اي شي ما دام رح تدفعي
مفروض تستفسري عن كل شي بالتفصيل المنيو يختلف من فندق للتاني
اكتبي بورقة السعر وشو يتضمن واجلسي وقارني وقرري الي يناسبك
المشاركة الأصلية كتبت بواسطة حرمة حمد 
بما إنج اخترتي أتلانتس برمس عن هالمكان
تبدأ الأسعار من 300 للشخص الواحد , ومعازيمكم 500 شخص
نضرب سعر المنيو ف عدد المعازيم =سعر القاعة
500X 300= بــ 150000
هالــ 150 يكون سعر القاعة شامل الأكل والشرب والطاولات والكراسي العاديه مالتهم مع كفر الطاولات والكراسي والصحون بس بدون الكوشة بدون السنتر بيس بدون أنظمة صوتية بدون إضاءة خاصه بدون أي شي ثاني
وفي أشياء يقدمونها مجاناً حق المعاريس مثل خدمة صف السيارات ,ليلة واحده مجاناً للعروسين ,كيكة العرس 3 طوابق,سبا حق العروس ساعة كامله مجاناً… يعني جي
طبعاً ع حسب الفندق اللي بتحجزون فيه و ع حسب سعر المنيو
كل ما اخترتوا المنيو الاغلى يعطونكم أشياء فري زياده حق المعاريس
إذا تبون كوشة من عندهم وسنتر بيس من عندهم وورود وباقي الأمور طبعاً السعر بيزيد
وليش تستحين تسئلين فديتج عادي من حقج تعرفين
وأي سؤال من عيوني
ويا مرحبا بج
شرات ما قالت ^_^