بنات اليوم انا قويت عزيمتي بريجيمي مشاكل الحمل

السلام عليكم غالياتي
المهم انا قررت اني ابدااليوم رجيمي ويا الروب قليل الدسم
اليوم كليت الروب ويا الخيار هذا عالعشا
طبعا الغدا ما كليت
والريوق كان جلي احمر بس
شو رايكم
وانا طبيعة دوامي مشي
ابي رايكم حبيباتي

لازم تاكلين ولا بيستويلج فقر دم بطيحين مريضة لازم تاكلين ثلاث وجبات في اليوم ويكون اكل صحي لاتهتمين في الكمية اهتمي في النوع ان شاء الله بضعفين ونا ويا يج

اختي حاولي تسوين رجيم صحي علشان ما تتعبين
تحملي على عمرج

انصحج بتخفيف الأكل

يعني تأكلين ثلاث وجبات صحيه ولو يعتي بينهم اخذي خيار والا خس

وبالأخير سووووي اللي يريحج

الغاليه لاتتعبين نفسج علشان لا تملين

ويا رب توصلين للي تبينه عسوله

مثل ما قالو خواتي نوعي بين الاكل بس بكميات قليلة وبدون دسم وبدون سكر
وانا اليوم ببدأ وان شاء الله استمر على الاقل لين آخر الاسبوع عشان يكون دافع لين آخر الشهر لأني اسوي رجيم بالكثير شهر واوقف..المهم الارادة

اختي نصيحة لج اتبعي هالرجيم
https://www.uaewomen.net/showthread.php?t=134717
بصراحة ما تحسين بيوع و وجباته متكاملة

و بالتوفيق

مشكورين خواتي كل اللي ردوا وانا مقدره خوفكم علي لكن ابي اضعف بسرعه وما عندي وقت للريجيم طبيعة دوامي جيه
واليوم طول اليوم ما كليت الا حلاوه جلي كاندل
وشربت فيتامين سي
وكليت لما رديت الساعه12 ونص روب قليل الدسم مع خيار
شو رايكم بضعف جيه