بنات الفزعة بليززز ساعدوني!!!! لبشرة فاتحة

كيف الحال خواتي؟؟

عساكم بخيررر

هذي سالفتي …
الله يسلمكم من كم يوم رحت الصالون(في دبا الفجيرة) عشان أصبغ شعري و قبل لا تبدأ صبغ خبرتها أني مسويه بشعري حنة فرد الشعر من سنتين تقريبا شارتنها من وحدة تاجرة من المدونة و الله يسامحها ما قالت لي أنه شعري بيحترق إذا حطيت عليه صبغ المهم أنا كنت سامعه هالشي من ربعي طبعا عقب ما حطيته ع شعري

انزين عقب قلت لراعية الصالون اتجربلي خصلة و هالخصلة احترقت بس من الأطراف و نبهتها و قلت لها إذا ما يستوي ما لازم تكملين قالت لا ما عليج أنا خبرة و أنا و أنا ….

المهم قلت لها اتقص الشعر الجديم و عقب تصبغ لي قالت لاااا أنا اعرف شغلي

اوووونه بعد ما أخلص الصبغ بقصه قلت يالله هي أدرا بشغلها

و أقولكم و هي تحط الهاي لايت أحس راسي بينفجر و الدخان يطلع من شعري و درات فيني الدنيا و قمت اتشهاد ع روحي قلت اليوم بموووت و ما حسيت بنفسي ألا قاعدة أصارخ و أصييييح من الألم

و بعدها طلعت من الصالون و فوق هذا تبى بيزات و خذتها والله

روحت البيت و نفسيتي تعبانة و قلت الله يعوضني بشعري اللي احترق

و باليوم اللي بعده طلعت أعراض الحرق الله يعزكم قام يطلع دم و ماي و … من فروة راسي و حبوب غريبة و أورام

هالكلام بالويكند

يوم الأحد رحت لعيادة الجلدية و قالولي أن فيني حروق و حساسية و إلتهابات في الغدد و قالي أنصحج اشتكي عليهم و بعطيج تقرير وديه الشرطة

المهم أنا من النوع المسالم ما أحب أسوي مشاكل

فقلت بسير للصالون و بحل الموضوع ودي و قلت لها أبيكم تعوضوني بمبلغ عسب أعالج شعري و راسي

بس الحرمه ما عجبها كلامي و هي من الجنسية العربية قامت تصارخ و ما احترمتنا و قالت إزااااا عنددك شي روحي اشتكي

فقلت إن شاااااااء الله ما طلبتي و طلعت عنها و رحت اشتكيت لا بارك الله فيها خلتني أدش مراكز الشرطة بسبتها المهم حولني ع المستشفى و طلعت تقرير طبي و خلصت كل الإجراءات و باجر بتتحول المحكمة إن شاء الله؟؟

و الحين أبي منكم التالي:

1) أحسن العيادات الجلدية بالدولة؟؟

2)إخصائين شعر؟؟

3) بحدود الكم بكلفني العلاج تقريبا ؟؟

4) كم تنصوحني أطلب تعويض مادي باجر في المحكمة؟؟

و الله يحفظكم من كل شر خواتي

ادعولي الله ينصرني عليهم

و عفكرة مشاكل هالصالون كثيرة بس الحريم يخافن يشتكن بس أنا اتشجعت بسبت ردت فعلها و لسانها الطويل الله لا يبلي مسلم فيها..

الله ينصرج عليهم الغالية

بنات فدددددديتكم بليززز ارفعولي الموضوع عسب استفيد من خبرتكم باجر أول مره بحياتي أدش النيابة ما عرف شي

و بعد شوي بسير ارقد عشان لازم أقوم من الصبح

اووووووووه انصدمت من اللي صارلك

الف سلااامة عليكي يا قلبي ان شاء الله امعوض شعرك وابيطلعك احسن منه بس المهم تعالجي الفروة

وديري بالك اختيوالله هالكيماويات انها ما بتجيب الا السرطان والعياذ بالله مشان هيك ارضي بحال شعرك واكتفي بالسشوار واتركي الكيماويات للابد

اما عن الاسئلة والله ماعندي اجوبة الهم بس ازا فيكي تشوفي العيادة قبل المحكمة واتشوفي كم تكلفة العلاج حتى تطلبي واعتقد المحكمة ممكن هي اللي اتحدد المبلغ

وبالنسبة لحنة فرد الشعر كتيير بنات ذمو فيها وبتسبب الصلع هاد دليل على انها كيماويات مشان هيك ما تكرري وتحطيها على شعرك مرة تانية

والله يعوض عليكي ويشفيكي

ياااريت بكرة تحكيلنا شو صار معك بالمحكة

حسبي الله على كل انسان بتسبب بالأذى عمدا لانسان تاني

تسلمين فديتج

زين سويتي فيها اطلبي مبلغ محترم عشان تحترم نفسها مرة ثانية وتحترم الزبونات وتحسب لهم الف حساب وتكون هي عبرة لباجي الصالونات وعن احسن العيادات ومراكز التجميل وما عندي علم بس ان شاء الله البنات يفيدونج

الله يعينج

مشكووووووورة أختي و إن شاء الله أكييييد باجر بخبركم شو بصير معي

بس الله يخليكم ادعووووووووولي في ظهر الغيب..