:::::::::بنات العين مساعده حبووووووووووبات::::::::: سياحة الامارات

مرحبا مثل ماقريتو في العنوان ابغي اسامي مطاعم حلووووووووووه واسعارها احلى وفيها اقسام عائليه محتشمه واكيييييييييييييييييييييد
اكلهم حلووووووووووو
ها في من هالمواصفات؟؟؟؟؟؟؟؟؟؟؟؟؟

ولا تعجيزيه خخخخخخخخخ

في العين الغالية عندج التالي:
– مطعم الديوان في شارع خليفة..عندهم غرف عائلية خاصة ومكانهم مرتب وحلو واكلهم متنوع ..يعني المينيو يشمل اكلات لبنانية وخليجية وايطالية.ويفضل انج تتصلين فيهم قبل تحجزين لج طاولة لانه دوم زحمة عندهم.
– مطعم الشوكة الذهبية بعد في شارع خليفة عندهم غرف عائلية فوق واكلاتهم اغلبها بحرية.
– مطعم عالم البحار في منطقة ميدان العين في وسط السوق-خلف محلات السلام سابقا- والحين صارت البناية لمصرف الامارات الاسلامي وعندهم اكلات متنوعة وغرف خاصة للعائلات وديكورهم حلو وايد عيبني.
– مطعم شهريار في العين مول من الخلف بجانب وكالة السيارات..اكلات ايرانية وعنده كابينات للعائلات..ومدخله من الخارج.
– مطعم كارافان في العين مول..الطابق الثاني بجانب السينما..نظامهم بوفيه طول اليوم وطول الاسبوع وعندهم مكان للعائلات لكن مب غرف ويغطون عليج بالبارتشن الخيزران للخصوصية وسعرهم مناسب(39 درهم للشخص) اكلات هندية ومقبلا ت متنوعه.
– مطعم مغل دبي الهندي في العين مول بعد في الطابق الارضي ومدخله من الخارج..فيه غرف خاصة للعائلات واكلهم حلو وحار بس مشكلته انج يوم بتطلعين من المطعم ريحة الطبخ فيج…ماادري ليش!!
– مطعم الدار بجانب نادي العين الدولي مقابل حديقة السليمي…مطعم لبناني متنوع وفيه كابينات.
وعندج بعد مطعم الملاح في المويجعي وفيه اماكن للعائلات فوق.

وان شاءالله اكون افتدج..
–

مشكورة الغالية وتكفيني دعواتج الحلوة

إذا تحبين الأكل الإيراني في مطعم واااااااااااااايد حلو وأكله لذيد في العين مول تحت .. عدال بيت الهوايات وفيه كباين وخدمتهم حلوه وأسعارهم بعد

إسمه شهريار

نص المطاعم اللي كنت بقولها لج الاخت ماشاءالله فوق كتبتهن

وبزيدج عند جيليز في كارفور فوق أكلهم ايطالي وحلو وفيه قسم للعوايل وتقدرين تتأكلين في البلكووونه فليل يكون الجو رومنسي يسكر الساعه 2 الصبح

شرات ما قالت الاخت مغل دبي حلو