خواتي انا حامل واول ما دخلت الشهر الثالث حسيت بالام في الظهر اتييني وتروح
بعدها نزلت مني افرازات بنيه وبعد يومين نزل مني دم مده ساعتين او 3 ساعات
دم مثل الدورة ورحت المستشفى قالت لي وضع الجنين تمام بس يمكن الهرمونات عندج تلخبطت
قالت لي الدكتورة المفروض راحه تامة وقعدت فترة اسبوعين بالبيت ما تحرك والحمد لله الامور طيبه
لكن قبل يومين طلعت مشيت يمكن ساعه بالكثير ورديت لاحظت افرازات بنيه
يعني مب معقوله ما بطلع وانا بتخلص اجازتي وبرد دوامي 
للعلم انا في الاسبوع الاخير من الشهر الثالث الحين
اليوم رحت عند دكتورة ميريانا في مركز الامير قالت وضع الجنين اوكي
وطبعا قبل اسبوعين قبل لا يصير النزيف سوت لي تحاليل وقالت لي ان طلع عندج بكتريا ووصف لي مضاد حيوي لمده 5 ايام
وان من باب الاحتياط وصفت لي حبوب تثبيت لمده شهر بالضبط قالت انتي حرة اذا بتاخذيها
لكن اذا بديتي فيها تستمرين عليها شهر كامل ولا تنسين حبه واذا ما تبين انتي حرة
الحين خواتي العزيزات انا محتارة ابدأ اخذ الحبوب المثبته ولا ؟
هي مده شهر بس للعلم انا في اخر اسبوع من الشهر الثالث ….
اتريا ردودكم حبيباتي
انا نفس الشي بس كله دم اسود عشان مشيت في المول وتم ١٠ ايام مع اني استخدم تحاميل تثبيت سرت عندالدكتوره ظربتني ابره تثبيت والحين اتريا الشهر الثالث يمر بسلام الله يستر
المشاركة الأصلية كتبت بواسطة منى الروحـ 
الحمد لله طمنتيني ^ ^
مشكورة ختيه على الرد
المشاركة الأصلية كتبت بواسطة ظبيــــــانيه انا نفس الشي بس كله دم اسود عشان مشيت في المول وتم ١٠ ايام مع اني استخدم تحاميل تثبيت سرت عندالدكتوره ظربتني ابره تثبيت والحين اتريا الشهر الثالث يمر بسلام الله يستر
الشر ما اييج حبيبتي ظبيانيه
لان الي حيرني ان الدكتورة قالت لي انتي حرة فاحترت
والي خوفني انها قالت لي ما تنسينها اذا بديتي فيها تستمرين عليها ضبط كل يوم لمده شهر
والله يتمم حملج على خير يا رب وتشوفين نونوتج يا رب امين
انا اول ست اسابيع اخذ دفستون
عقب اخذ ابر تثبيت لين اسبوع ١٤