خواتي أبى اتخبركن عن صالة الوثبة للأعراس كيف ديكورها وكيف أكلهم وكيف مدخلها؟
أبى وصف دقيق لها، وبكم كل التكاليف وشو الميزات اللي فيها؟
لانها اخوي ان شاءالله يمكن نحجز له هناك.
ويزاكن الله خير
اللي مب حلو فيهم خدمتهم واكلهم ابدن مب شي
لو بتيبون اكل من برع اوكي
كلفت على حميي تقريبا 60 للحريم والرياييل قاعتين
واكلهم ما انصحج فيه خذي المنيووو من عندهم بس لاتاخذين العيش يبي من برع العيش وتقريبا يكلفج ع حسب ما انتي تحاجزة حق معازيم
لو افترضتي انج اخذتي مقبلات وحلويات والعصاير وطبق الرئيسي حطولج هريس بس ويبتي انتي من برع العيش وجي فبيكون منيو 20 درهم لشخص
20* عدد المدعوين + بدل المطبخ الخارجي لانج بتيبن اكل من برع 3000+ شغلات الي انتي تبينها من عندهم وع حسب بيكلفج هاااا 30 الف تقريبا من دون اكل الي بتيبينه من برع
وهو في نهاية يعتمد ع منيو الي تاخذينه عرفتي
بس هم رافعين الاسعااار واستوا فنادق والله ارخص عن القاعات
فيها حجرتين كبار للعروس ..
الاكل الصراحه مب شي مالهم .. نحن ماطلبنا شي الا المقبلات .. وكل شي يبناه من برا ..
طلع لنا تقريبا بـ 25 الفـ لألف شخص ( القاعتين ) .. بدون العشـا طبعا .. بس خدمه ومقبلاتـ .. ومشاوي ..
الغينا الهريس لنه مب شي .. ونحن يبنا من برا الباقي
طبعا هو بيقول لكم اكثر .. بس هالله هالله بالمكاســر .. مع المصــري ..