بموت من هالريال……. ذبحني رعاية الاطفال

المهم أنا مشكلتي ويا ريلي مشكلة ما أعتقد إنه لها حل…
المشكلة الأولى: يشك إني ما أصلي ويتهمني بالكفر ………. وأنا دوم أقوله أني اصلي الصبح بعد ما يسير هو الدوام وصلاة الظهر والعصر أكون أنا في الدوام والمغرب والعشا أصليهن في البيت بس حظرته يكون برع في القهوة ويه ربعه… وهو دومه برع البيت يوم أنا أقعد في البيت ودومني أحاول أقنعه وأقوله "إنت ما عليك من صلاتي ربي بيحاسبني مب إنت" ……بس هو يتم يروح ويرد على نفس السالفة……… ما أعرف كيف أقنعه ساعدوني!!!

المشكلة الثانية: من فترة شريت من عند التاجرات في المدونة شغلات ويوم وصلتني، شافهن ريلي وقال لي من وين يبتيهن، قلت له شريتهن من المدونة، تدرون شو رد عليّ………قال:"إنتي ليكون تسولفين ويا الشباب وأنا شو دراني إنج ما تقعدين في المدونة ويا الرياييل" رديت عليه: حرام عليك تشك في أخلاقي وفي تربية أهلي… قال لي: إنتي عادي تسوينها…………
تميت أصييييييييييييييييييييييييح …… لا وهذا نحن عندنا بنوته وأنا حامل في البيبي الثاني…….. ما سكت له وسرت عند أمي قلت لها كل السالفة…….. قالت لي أمي:"كلمي أبوه قولي له ترى ولدك صار يخبص الدنيا ويشكك في أخلاقي ، يمكن يعقل ويسمع كلام أبوه" ………….
أنا ما أدري أكلم أبوه أو لا….. أخاف تتعقد المشكلة وتصير مشاكل بعد ما يتدخل أبوه…….