بمناسبة بدأالدراسة (الفصل الثاني) للطلاب

و هي صف أول منهج بريطاني يعني اول سنة امتحانات و درجات و دروس جديدة يوميا بالمدرسة حتى المدرسين يبا لي وقت لين افهم طريقة كل مدرسة في التدريس و اسلويها في وضع الامتحانات و عندي امل الفصل الدراسي الثاني يكون افضل لي و لها .

اشكرج يالغااااليه على الموضوووع المهم

و عموما ما حبيت أطلع من الموضوع بدون ما أبدي اشويه أفكار ان شاء الله تفيدكم ..

أهم نقطه لتقويه الطفل هي تشجيعه معنويا ..
دايما سمعوهم الكلام اللي يحفزهم على الاستمرار والانتاج ..
مثل براااااااافو عليك ممتاااااااز شااااااااااااطر .. ما شاء الله عليك مبدع .. بارك الله فيك … يا عبقري .. يا ذكي ..
وغيره من هالكلمات اللي ترفع معنويات الواحد وتخلي صدره ينشرح و يحب انه يبدع أكثر ..
حتى لو خطه رديء في الكتابه .. ولو كان يكتب الحروف مشوهه .. ولو ياكل نص الكلام وهو يسمع سوره أو نشيد .. ما عليه صححوا لهم بس امدحوووووهم بعد و حسسوهم انهم سووا شي كبير بحفظهم للسوره أو النشيده أو بكتابتهم للحرف و غيره ..
صدقوني بدايه كل ناحج الفشل و لو الواحد ما تعلم من غلطته مستحيل يخطو خطوات النجاح بمعنى كلمة النجاح ..

ولا تنسون التحفيز المادي .. يعني مع كل شي يحفظونه أو أي واجب يكتبونه عطوهم هديه لو بسيطه .. حتى لو بوسه .. أو لعبه بسيطه أو بالونه أو كاكاو أو استيكر أو أي شي يخطر على بالكم مب شرط يكون شي كبير حتى لو بسيط و تأكدوا انه بيكون له تأثير على نفسيه الطفل ..

و شي ثاني أحب أنبهم له هو أوراق العمل .. لا تعتمدون على الواجبات اللي يعطونها للطلاب في المدرسه لانها مرات تكون ممله و روتينيه وخاليه من التحفيز بصراحه .. سوولهم أوراق عمل بنفسكم و خلوها منوعه و فيها نوع من المرح يعني اطبعوا ورقه فيها عربي و بنهايتها حطوا صوره لكارتون يحبه الطفل مثل سبايدرمان مثلا أو توم وجيري .. و نص الورقه خلوه لأكتيفيتي توصيل مثلا أو الدهليز أو يكون ماث اختياري ..
حاولوا تجمعون بين كذا نشاط بنفس الوقت علشان ما يكون الواجب ممل للطفل ..
ويا كثر أوراق العمل في النت بامكانكم تطبعون لهم دايركت منها لو ما تقدرون تسوون بروحكم ..

ان شاء الله لو حصلت فرصه بنزل لكم مجموعه من أوراق العمل اللي عندي ولو انه اللي عندي على قد عمر ولدي كي جي 2 بس ان شاء الله تفيدكم ^^

و الله يوفق عيالنا أجمعين و يسهل دروبهم للجنه ويجعلهم من حفظة كتابهم العظيم ^^