salam_aوالله لو كان الانتحار مافيه اي شي بالشرع جان انتحرت والله على ماقول شهيدوالله اني كرهت كل الريايل لانهم غدارين ومايسدهم شي تخيلو ان ريلي كان يحب بنت خالته من قبل مانتزوج وكل مانسير بيتهم يتمون يطالعون بعض وانا اقول ماعليه بنسير البيت واتفاهم وياه ونسير البيت وتستوي الضاربه وله عين يحلف باسم الله انه مايطالعها والله قهر بس انا مابجذب عيني ومرة اتصلت فيها وجذبت عليها قلتلها بصراحه ريلي صارحني وقالي انج تطالعينه وااايد قالت خلاص سامحيني وقوليله هو بعد يطالعني ونفس الجذبة جذبت عليه قالي وهي بعد تطالعني شفتو كيف؟؟؟؟
والحينه يابنات لي 8سنين واخر مشكلة استوت قبل جم شهر انهم يرمسون بعض من وراي والله ان هذا احسه اكبر عذاب لي انا شو ذنبي قلبي يعورني تدرون ليش؟؟؟؟؟
لاني انا اساسا مب من الامارات اقصد اني تاركة اهلي وفوق هذا يخليني بالفجيرة عند اهله وهو يسير يداوم في ابوظبي ومايي الا ايام الويكند
ومتحمله مشاكل اهله اللي ماتنعد وقبل مايي من دوامه اسبوعيا اساله شوتبا اسويلك من الاكل ازهبله الحمام وووووووووو………..عشان اعوض غيابه عني
وااااااخر شي احصل هذا كله عيل انا ليش اتعب عمري
بس الحينه انا مابا ارمسه حتى بالتلفون ولابكلمه وطرشت له مسج انه يوم بيفكر يتطمن على عياله يتصل بامه يكون وايد احسن
مع العلم ان اخر مرة استوت المشكلة قبل جم شهر
كان بيستوي طلاق بس عقب فترة انخطبت البنت وتزوجت بس والله كل ماتذكر السالفة اعصابي تنهد
الله يخليكم بنات ويارب ماتشوفون اللي انا شفته بس شو تشورون علي عطوني نصيحتكم او خبروني عن دكتورة نفسية شاطرة بهالسوالف
والله بنات عمري 21ومحتاية واحد يدلعني مب يلعوزني وعندي 3 بنت عمرها 5 سنوات والثاني عمره سنتين والثالثة سنهllah:2 (29):
اول شي ما يجوز تفكرين في الموت و انتي مؤمنه بربك… حبيبتي خلي تفكيرج اكبر من جيه…
ليش تاخذين ذنوب و آثام عسب انه ريلج يكلم وحده ثانية… ادري انه شي مب سهل و مب هين… بس ايمانج و ربك اسمى من انه تخسرين دينج عشانه؟!
وبعدين انتي بيدج تنسينه اي وحده ثانيه لو شو ما كانت… خليج كل شي بحياته… و اصبري.. يمكن اول شي ما بتحصلين ردة الفعل اللي تبينها بس مع الايام… بيقارن بينج و بين اي وحده ثانية و بيقول في نفسه. ..مرتي ام عيالي مب مقصرة وياي و تحبني و انا اجازيها بهالتصرفات؟؟ مهما كانت نفسيه هالانسان مرده لج و لعياله و اكيد ما يبا يخرب بيته عشان وحده عرفها…
ساعديه ينساها ولا تحاولين تذكرينه فيها.. وكوني اكبر و ارقى في تفكيرج عنه…بيستحي من عمايله و بيرد لج ان شاء الله…
واخيرا عليج بالدعاء و الاستغفار.. استغفري ربج دووووم … والله انه الحل لكل المشاكل… و بتشوفين كيف حياتج بتتغير للأحسن ان شاء الله
الله ييسر لج امورج كلها و يسعدك و يخلي لج ريلج و عيالج
الموضوع يستاهل انج تدعين على امانة ربج عشان ريال
صدقيني مووووووووووووووووووول
شوفي اختي طنشي الموضوع و صدقيني بيي يوم و الله بيراويها هاي مسودة الويه
لو تباه جان وافقت عليه يعني يوم عرس تمت تطالع و تبحلق فيه
و الله حريم ما يخلين
المهم انتي لا تحرقين اعصابج و حاولي تطنشين الموضوع و ان ما فاد افضحيهلا يدام الكل
لانها هذا بيكون اقل ش تسوينه لها
مخطوبه و هاي سوايها عيل لو مب معرسه شو كانت بتسوي
أولا: اختي مافي جد في الدنيا كلها يستاهل أنج تتمنين الموت عشانه..
في النهاية ها الدنيا ما تسوى..
بدال ما تتمنين الموت،، تمني أن الله يهدي ريلج..
أكثري من الدعاء (لأننا وااايد غافلين عن أهميته)..
ثانيا: المشكلة اللي تعانين منها تعتبر منتهية لأن البنت اللي كانت من بينكم راحت في نصيبها وتزوجت..
وهو لو كان صدق يباها تراها كانت جدام عينه..ليش ما خذها؟؟
ثالثا: أنتي الله يهديج بدال ما تحاولين تنسين ريلج ها البنت قاعدة تذكرينه فيها باستمرار.. ليش تطرشين أمج تكلمه،، بالعكس خلي صوتج أنتي دايما في حياته عشان ما يتعود على بعادج..
وأخيرا….
لييييش أنتي في صوب وهو في صوب..
ليش ما تروحين عنده بوظبي..؟؟؟
صحيح الايجارات في بوظبي غالية،، والحياة أصعب،، بس هو تراه يشتغل عشانكم..
إذا تحسين أن ظروفه تسمح اطلبي يوديج عنده..
وتغيري،، لا تخلينه يندم أن يابج عنده
المهم اختي طنشي وهي خلاص عرست وبتفتكين منها وحاولي ما تخلينهم يشوفون بعض ولا تطرينها ابداوادعي الله يزرع حبج في قلبه وينسيه كل وحده غيرج