انا تقدملي واحد عايش بالامارات ومولود فيها بس يمني الاصل
تقدملي بس اهلي رفضوه لنه يمني ويفكرن فمستقبل عيالي وحاول مره ثانيه وثالثه وكلم اخواني بس للحين رافضين وانا موافقه بس محد ماخذ برايي مع اني مب صغيره عمري 30 سنه بس هو يصلي ويصوم واخلاقه زينه واهم شي الستر مب الجنسيه ترا كلنا باجر بنموت مايهم لاجواز وله جنسيه
وربي محتاره تعرفون الحين الشباب مايبون المواطنه بليز ساعدوني كيف اقنع اهلي يوافقون عليه بلييييييييييز
ماودي أقولج .. لا .. وأظهر لج مليون عذر .. الله العالم هالريال يناسبج ولا !
خلي كل الأمور في بالج .. وفكري فيها .. وعسى ربي يوفقج ..
الله يجدم لج اللي فيه الخير لج 