اشحالكن خواتي ؟؟؟؟
فديتكن ماعليكن أمر بس بغيت وحده تفهمني موضوع الفحص الطبي وشو الأوراق المطلوبة يوم نسير الطب الوقائي؟؟؟؟ وعادي الريال يسير بروحه وأنا بروحي ؟؟؟؟ وكم يطول لين تظهر نتايج الفحص ؟؟؟؟
بكون شاكرة لكن لأن مااعندي حد يعرف فهالسوالف بغيت مساعدتكن
وادعولي بالتوفيج لاخليت منكن
المشاركة الأصلية كتبت بواسطة فخر المرزوقي 
وعليكم السلام والرحمه
اشحالكن خواتي ؟؟؟؟
بخير الله يسلمج ويعافيج
حبيبتي انتي من وين وريلج من وين؟
فديتكن ماعليكن أمر بس بغيت وحده تفهمني موضوع الفحص الطبي وشو الأوراق المطلوبة يوم نسير الطب الوقائي؟؟؟؟ وعادي الريال يسير بروحه وأنا بروحي ؟؟؟؟ وكم يطول لين تظهر نتايج الفحص ؟؟؟؟
اللي اعرفه انه ما يبون غير صوره لج وصوره جوازج وبس
عادي يسير روحه يسوي الفحص وانتي روحج بس يوم تستلمون الفحص ويا بعض او اي حد من اهلج يوقع بدالج.
على حسب كل مكان ياخذ فتره غير عن الثاني
ممكن ياخذ من 3 الى اسبوع او 10 ايام
بكون شاكرة لكن لأن مااعندي حد يعرف فهالسوالف بغيت مساعدتكن
وادعولي بالتوفيج لاخليت منكن
الله يوفقج يارب وييسر لج امورج
بالنسبه للاوراق ياخذ منج طويل العمر صوره لجوازج وصورتين شخصيتين
وايروح هو وايسوي جميع الاوراق
وانت بس اتروحين تاخذين تحليل دم وخلاص وترجعين البيت
وهو اللي يظهر النتيجه وبالنسبه للنتيجه متى بتظهر حسب المكان اللي بتروحين له
عندناا براك يومين وتظهر
واحيانا بنفس اليوم
انا ظهرتلي بنفس اليوم ^^
واذا عندج اي سؤال ان شاء الله الكل يفيددج
شوفي الغاليه انا عن نفسي يوم سرت اسوي الفحوصات وبما ان ريلي من اماره ثانيه فانا سويت الفحوص بمكان وهو بمكان وطلبوا منا 4 صور شخصيه ونسخه من الجواز.. لكن عقب خلوه ايي لعندنا الاماره عشان يكمل الاجراءات..
لو انتي من امارة بوظبي النتيجه ما بتستغرق غير يوم واحد او يومين بالكثير هاللي اعرفه واذا كنتي من اماره ثانيه ف راح تااخذ من اسبوع لين 10 ايام..واحيانااااااااااااااا يصير بس 3 ايام ..هم عاد بخبرونج عن هالشي لا تحاتين
والفحوص عباره عن سحب دم وخلاص(ما يعور بس نفس الابره كخخ) عقب يوم بتظهر النتيجه بتييج الدكتوره وبتخبرج عنها وبتعطيج اتطالعين اوراق ريلج بعد عشان اثنينكم تكونون بعلم بنتايج بعض ..تعرفين الغاليه بس يفضل انكم اتسوون الفحوص بنفس المركزز
ويوم بتخلصون من الاجراءات مطلوب منج تدفعين 100درهم فديتج وهو بعد نفس الشي،،،
أتمنى اني اكون فدتج لوو طشووووونه
واي استفسار انا حاضره بس احتمال انهم غيروا بشوية شغلات من الاوراق المطلوبه مثلا يمكن يطلبون نسخه من بطاقة الهويه
ومووفقه حبوووووووبه ومبرووك مقدمااا
الله يتمم لكم على خير
الاوراق المطلووبه :-
3 صوره شخصيه بعضم يطلبون اربع صور
وصورة الجواز او الهويه
و100 درهم
لا عااادي انتي تسيرين روحج وهو رووحه بس اللى يوصل قبل يفتح ملف بيكون موحد الرقم لكم ثنينتكم وتعطينهم المعلووومات الخاصه فيج وحطي في بالج ترا كل هالمعلومات هو بيشووفها يعني حتى رقمج ^^ وصووورتج ، المهم عقب بتدخلي عند الدكتوره وبشوفون الوزن والطول وبيقيسون الضغط ^^ وخلاف الدكتوره ترمسج شويه عاااد انتي كله هزي راااسج ههههه>…>>>من المستحي وخلاف بتسيرين عند مال التحليل وبياخذون دمج وبعد 3 ايام تظهر النتايج او اقل وتوته توته خلصت التوته ^^
ترا يعتمد مب شرط نفس الفتره اللي حددناها نحن … اذا سويتي الفحص بفترة الاجازه الصيفيه ف راح تتأخر النتيجه لانه وايد نااس تسوي فحوصات تعرفين اجازه ههه
اما في الاوقات العاديه بخلص اسرع اظني
ونفس ما قتلج ترااااع يعتمــــــــــــــــــــد ….
والله يتمم امورج على خير