بليز خواتي افيدوني عن الهند التدريس الاماراتي

السلام عليكن خواتي شحالكن عساكن بخير

حبيت اسألكن بنات

منو منكن عندها معلومات عن الهند حق العلاج

وشو افضل علاجاتهم يعني اقصد متخصصين اكثر شي بأي مجال؟

وشو اسم المناطق النظيفه اللي عندهم ؟؟ظ

واسم فندق زين وبأي منطقه

واسم مستشفى زين بعد عندهم ؟

خواتي اتمنى انكن تفيدني

لان يدتي تبا تسافر حق علاج

عندها روماتزم والقولون وحصى بالكلى

تنصحونها تسير مناك
؟

اتريا ردودكم

الروماتيزوم ما اعرف منو احسن دكتور

القولون في دكتور بنكج والدكتور نتواني

والكلى الدكتور سونولا

كلهم عندهم عيادات خاصه في بومباي

ما انصحج الصراحه بومباي كلها وساخه والدكاتره حراميين
رحنا عشان نكشف على اعمارنا لازم يطلعون فيج عله

وبنت خالتي سولها فحص و قالولها لازم اتشلين الرحم اونه فيه شي مب زين وهي المسكينه صدقت الرمسه وسوت العمليه يوم ردينا البلاد سوت فحوصات قالوا رحمج ماكان فيه شي سليم 100 % … الصراحه صدمه قويه

انصحج اتروحين تايلند وايد زينه …
والله يشافيها ان شاء الله

up

up

بالعكس علاجهم واااايد زين ..

والافضل تسيرين السفارة الموجودة هناك وهم بيخبرونج بالدكاترة الزينين ..

والعلاج هناك مش في المستشفيات .. كلهم في عيادات خاصة .. بس اذا لا قدر الله احتاجت عملية يحولونها عالمستشفى عشان يحجزون غرفة ..

ومثل ماقالت الاخت نتواني وسوناوالا من افضل الدكاترة ..

وبخصوص الفنادق عندج التاج في كولابا .. وريجنت وسكوت وغاردن ..

فديت رواحكم خواتي مشكورات ماتقصرن

الصراحه حصلت كلام زين وايد عن الهند وببنفس الوقت كلام مايشجع

محتاره

بنتوكل على الله

^^

توكلي على الله يا اختي الهند علاجهم ممتاز ..

مستــشفى جست لوك في بومباي من أكبر المستشفيات الموجودة عندهم.. أما بالنسبة للسكن فيعتمد تبين شقة والا فندق ؟ ^^ …