اتخيلي دخلتي بكل حماس للمطبخ ووصلتي لنهايت الطبخة واكتشفتي ان بعض المقادير ناقصة ومب متوفرة شو بتسوين ؟
انا قررت اني اسوي خنفروش العصر وجهزت المقادير وكانت المقاااااااااااادير
كسرت 6 بيظات وصبيت عليهم كوب سكر
ونص كوب زيت ورشة فانيليا وملعقة كبيرة بيكن بودروخلطت المقادير بالمظرب الكهربائي
ونص كوب ماي ورد وملعقة هيل وزعفران وكوب طحين رقم واحد في المظرب ويا دور كوب طحين العيش وينة وينة وينة ماااااااا في اتصرفي يا لمساتي اهم شي ومن دون الطحين عيش ما يستوي الخنفروش يااااااااااا ربي اتصلت الدكان وما عندة يالله بتصرف يا انها صابت او خابت
بدلت كوب طحين العيش بنص كوب سميد ونص كوب مكسرات وكانت عبارة عن ( ناريل _وسمسم _ لوز مطحون _وفستق مطحون )
وظفت المقادير كلها في المظرب الكهربائي وصبيتهم في قوالب الكب كيك ودخلتهم الفرن ورشيت عليهم السمسم
وبعدين طلعت بهذا الشكل
وكان طعمها روعة اتمنى اتجربونها ودائما لا تستسلمين شغلي مخج وما في اسهل من الطبخ 
^_^
واضح من الصورة شكله لذيذ
وانا فخاطري اتعلم طريقة الخنفروووش….
المشاركة الأصلية كتبت بواسطة سمسانه 
واضح من الصورة شكله لذيذ
وانا فخاطري اتعلم طريقة الخنفروووش….
انا الصراحة اعتبر الخنفروش اسهل سويت سويتة
ولج المقادير
6 بيظات
كوب سكر
ملعقة بيكن بودر
هيل زعفران
كوب طحين عيش
كوب طحين رقم 1
نص كوب ماي ورد
واتمنى اتحطين المقادير كلها في ملة وبالترتيب يعني اول شي البيض والسكر وتظربينهم عدل وبعدين اتظيفين الزيت والماي واخر شي الطحين فهمتيني ؟