بقع بدون شعر في الراس! لصحة بشرتك

هلا خواتي

اشحالكم . من فتره يمكن من 4 اشهر اكتشفت بقعه في راسي بدون شعر

وسرت العياده وقالي الدكتور هاي ثعلبه بس لاتخافين مابتنتشر !

المهم ضربني الابر والحين بدا الشعر يظهر بس وايد ياخذ وقت

ومن كم اسبوع اكتشفت بقعه ثانيه في مكان ثاني بدون شعر لكن احين ماقدر اسوي شي لني حامل!

بليز بنات دلووني قولولي شو اسوي !

او اذا اي وحده عانت من هالشي وتعرف دكتور شاطر

مشكوورين

حبيبتي دامها بقع مثل ماقال الدكتور ثعلبه .. ومرات يكون من الضغط النفسي ..
اظن بما انج حامل مايستوي تسوين شي الحين .. لين تربين وتقومين بالسلامه ان شاءالله

معروف ان علاج الثعلبة هو الثوووم ،، بس ماعرف اذا انتي حامل اذا تقدرين تستخدمينه او لا بس شوفي هالاقتباس

والله يشفيج يااااااارب

مشكوورين حبيباتي وماتقصرووون

ان شالله بجرب الثوم لنه شي طبيعي وماظن في ضرر

جزاكم الله خير

هلا الغاليه الله يعافيك انشاله اختى وصفة الثوم زينه وما فيها اى ضرر انا استوالى جى بس مو بثعلبه بل تساقط شعرى بسبة غلطه من الصالون حسبى الله عليهم وكنت حامل مدرى بالخامس او السادس وسرت مركز عمريتا هناك دكتوره زينه تميت اتابع وياها حتى عقب ما ربيت

الثوم سبحان الله احسن علاج للثعلبه.. وممكن بعد ما تفركين الفروه بالثوم تطحنين الثوم وتحطين معاه ملعقه صغيره روب وتخلينها مثل الكماده عالمكان.. مدة ساعه يوم وترك.. وان شاء الله تتعافين.. واغسلي هالمكان بماي زمزم بس مب في الحمام الله يعزج.. يعني في حوض زراعه او شي..

الله يعافيج وتولدين بالسلامه

أختي الله يشفيج أنا صارلي نفس الشي و قام ريلي يمسك الشفرة مال الحلاقة و يفلح المكان شوي شوي و عقب يفرك المكان بالثوم مرتين في اليوم و الحمد لله في ظرف أسبوع طلع الشعر و بغزارة ما شاء الله الله يشفيج و تولدين بالسلامة و لا تنسيني من الدعاء أريد أحمل
ملاحظة يفلح المكان بالشفرة مرة واحدة فقط