ادري قطعتكم بس الضروف ضدي
اتحمدولي بالسلامة ربيت من اسبوع
بس للاسف طلعت من الولادة وما نضفوني عدل قام بطني وااااايد ايعورني ويوم سرت العيادة سوتلي تلفزيون والصدمة ان في كسرة في بطني باقية وعطتني ابره تنظف وابره مسكن وعطني حبوب تنظف الرحم ومضاد …
بليز بنات اذا حد مر بنفس حالتي اتفيدني لانها قالتلي اذا مانزلت تضطر اتسويلي غسيل وانا متخوفه من هالسالفة ……………
و مبرووك ع البيبي
ان شالله البنات بيفيدونج
وان شاء الله اللي تعرف تفيدج
انتي ريحي بالك وانشالله بصير خير يارب
ومبروك ع الودلاده …………عادي ادعيللي ربي يسهل عليا
اول يوم دورة واول يوم ولادة ضروري تاخذين مرة حبة متوسطة مرة وحدة كافية تنظف الرحم
ايام النفاس نشرب حريروة حمرا مع الجرفة والفلفل الاسود والسكر والسمن يوميا فترة النفاس
هذي الاشياء كلها تنظف الرحم من اي بقايا فيه
وممنوع الاشياء الباردة والفواكه الباردة مثل اليح ( البطيخ الحمر)
كثري من شرب الشوربات
والرضاعة الطبيعية بعد تساعد على تنظيف الرحم
اختي بعد تذكرت خذي كاس وحطي ثلثه زعفران وصبي عليه ماي ورد لين تترسينه وخليه كم ساعه مغطى،،، زيدي عليه ملعقة سكر ابيض واشربيه طعمه صعب لكن تحمليه يفصل المشيمة عن الرحم بولادتي الاولى شربت وقت قالو لي خلاص الحين ولادة وقبل مادخل غرفة الولادة على طول،، اختي شربته من البيت وقت حست بالولادة لكن من زحمة الشوارع في دبي ولين ماوصلت المستشفى قالوا لها وقت الولادة ان المشيمة انفصلت قبل مايطلع الياهل لكن الحمدلله ماسار شي في البيبي الله يحفظه
قصدي اقولج ماي الورد مع الزعفران المركز ينظف الرحم عدل
خذي بالاسباب واصبري واذا احتجت غسيل ( تنظيف رحم) ترى اكثر الحريم ينظفن حتى لو ماكانن والدات
بإذن الله ماتحتاجين الله ييسر عليج ومبروك ما ياكم جعله ربي قرة عين