بـتسـكــتين لو انحطيتي في هالــمــوقــــف؟؟؟ المومة و الطفل

انا عندي اليوم موضوع للنقاش،،

الله يسلمكم اليوم كنت سايره دبي مول ،، اتشرا حق العيد ،،

وصادفني كذا موقف للبس ما اقدر اقولكم انه مب محتشم ،، لانه اصلا ما يتسمى لبس اصلا بس يسموونه قميص

طبعا تعرفون القمصان الي تكون مثل هذا

بس على اطوول شوويه ومن على الأطراف قصير،،

هذا المنظر الأول ما دخلت المول شفتها ويا واحد ولاوي على خصرها وطبعا القميص مرتفع ولوونه أبيض قال اخويه الصغير ،، هذي وين طاح بنطلونها ؟ ولا هيه نست تلبسه؟ طبعا هو صغير ما يفهم لكن لاحظ انه لابسه وايد وايد قصير

سكتنا،،

شوويه ثنـينه يتمشووون وما خلوا حركه ما سووها ولا بوسه ويتلصق ويتمسح فيها

انحرجنا وسكتنا ،،

وعقب ما خلصنا shopping اتصلت اختيه قالت تعالي المحل الفلاني ابا رايج في هالقميص ،،

وأول ما وصلت اشووفها يايتني تقووولي لا تدخلين المنظر فضيع بتلوع جبدج قلتلها ليييييييش !!! شو مستوووي فالمحل زيغتيني !!!!

وانا بطبعي مسالمه ما احب المشاكل وويع الراس

طلعت وحده في المحل لابسه لون برتقالي مثل فستان قصير اقصر عن الشورت الي يكون شبر والبتاع مالها على قولت اخوانا المصريين مب مقصره فيه مطلعه كل شي ولانه يالسه على الكرسي المرتفع فالداخل والطالع يشووف

هنييييييييييييييييييه اذكرت

مدونة سيدات الإمارات ،،

ومواقفكم في قانون الاحتشام في مولات دبي ،،

سرت عند الي يشتغل في المحل قلتله في قانون احتشام صح ولا لاا..

قال هيه قلتله وهالمنظر الي في المحل المفروض تخلي السيكورتي الي واقف عند المحل ما يدخلها ،، وطبعا جنسيتها عربيه ما بذكر ما احب الحسسايات ،، قالي خليها يا عمي بدنا نخسر كستمر من شان قانون !!! ما المول كل لابس اجت عليها !!

ارتفع الضغط من رده

وسرت عند السيكورتي مال المول الي واقف برع وامي تأشرلي انه خلها توولي ما فينا على مشاكلهم هذيلا وسألته نفس الأسئله وقالي فيه قانون و انا بترياه عند الباب وبعطيها الكرت يا تشتري لبس وتلبسه يا تطلع و كان في ريال كبير مواطن يشوف الموقف ويا عياله قالنا بارك الله فيكم ،، بس طبعا استحينا نرد ووقفنا قلنا بنشوف شو بيستوي

ووقفنا خلف الكواليس ،، وعطاااها الكرت وعصبت بس ما كان عندها خيار ثاني وحسيت اني امشي وانا مستااانسه انه سوويت شي ينفع بلادي وفدت مجتمعي من هاالأشكال وكنت عنصر مفيد في المجتمع هههههه

وببتسامة نصر طلعت من المول

لكن السؤال

انتي بتسكتين وطنشين؟؟

او

بتسيرييين تكلمين السيكورتي يتعاملون وياهم؟؟

كنت صريحه من البدايه اني سكت اول شي ،،
لكن في الاخير طفح الكيل و تكلمت

لانه كل الحريم شافوا نفس المنظر ولا وحده اتكلمت … وهذا الشي الي يزعل هم مب راضين لكن ساكتين .. والدوله بدت في خطوه المفروض احنا كشعب نكمل

وأمنية أخيره..