بغيت المساعده من مصممات الديكور واللي عندها خبره في مجال الديكور العروس الاماراتية

انا ما اعرف في عجمان والشارقة ودبي كثير عن هذي الاماكن بس بخبرك بصفة عامه:

بخصوص المرايا والارفف الزجاج اللي حابة تفصليها اختي وتكون حدودها والقص جيد جدا وتستطيعي أن تبتكري حواف جميلة وبأشكال رائعه فهذا يمكن لك أن تجديه في الصناعية عند محلات بيع الزجاج والمرايا ولكن أعطيكِ ملاحظة أختي روحي عند أكثر من محل وخليه يعملك تجربة بالقص امامك ومش مشكلة لو خذيتي التجربة ممكن تحتفظي فيها وتستخدمينها بأي شيئ ثاني في المستقبل.

اما بخصوص الارفف الخشبية والستاندات اللي سألتي عنها حبيبتي في أكثر من نجار يعرضلك طلبك بالتمام والكمال وبنفس المواصفات اللي تريدينها وبنفس الرسم اللي راح ترسميه له علشان يصنع نفسه بس بعد لازم تتأكدي من نوعية الخشب المستخدم وألوان الخشب وهل هيي فورمايكا أو طلاء ومن التركيب بعد أختي لأنه في أخشاب يحطونها النجارين وبعد فترة تبين عليها الخدوش وتصير باهتة وما لها قيمة ويروح تعبك وفلوسك على الفاضي.

بالنسبة لقماش المخمل اللي طالبتيه أختي تقدرين تروحين عند محلات بيع الاقمشة وعندهم نوعيات كثيرة من المخمل وبما أنك حابة يكون المكان ملكي جدا فأنصحك بأربع ألوان تشتريهم اللي هم : الخمري, الذهبي , الأسود , الفضي.
وراعي عند شرائك للمخمل أنه يكون من المخمل القوي وليس الخفيف يعني مطيه بايديكِ وجيبيه السميك شوي علشان بس يتثبت بالجدار او بالخشب مع كثرة الشد ما يتقطع.

وبخصوص الالوان اللي ممكن تصبغين فيها الغرفة او المعرض اللي سبق وذكرتيه فالالوان الملكية جميلة واللي هي البنيات والخمري والذهبي ولكن لو عملتي ركن متجدد وحلو حديث مثل الالوان الفستقي والاصفر اللي مثل لون الموز والبرتقالي الهادي كمان يطلع المكان روعه وانتبهي عزيزتي اقولك ركن يعني مش كل المكان ركن بسيط لنفرض الريسبشن.

وراعي وجود اكسسوارات منثورة على الطاولات اختي مثل الكريستالات ووجود بعض النباتات أيضا له رونق جميل ويمكن أنك تختاري النباتات الخريفية اللي لونها مائل للأصفر والاحمر وموجودة بجميع المشاتل لو سألتي لحتى تتناسب مع لون وجمالية المكان.

وأختي بعد حبيت ألفت انتباهك للأبواب لأنها المكان اللي يدخل له الزبون ولازم يكون راقي بعد فعليكِ بألوان الخشب الداكنه مثل البني الغامق المحروق او اللون الخمري الغامق المائل للسواد مع وجود بعد الاكسسوارات على الباب مش غلط.

وعليكِ بالاضاءة لأنها تلعب دور كثير كبير في اظهار الفستان او الحلية او مهما كان بمظهر جيد ابتعدي عن الاضاءة المركزة على الفستان الواحد لأنها تفقده حلاوته ونوعي بين الاضاءة البيضاء فلورسنت لايت والاضاءة الصفراء سبوت لايت.

والستائر تكون جميلة لو كانت رومانية مع بعض التصاميم الكلاسيكية على الجوانب لحتى تلاقي استحسان من المكان.

واي سؤال ثاني انا بالخدمة اختي