السلام عليكم ورحمة الله وبركاته
شحالكن خواتي
ربيعتي توها مسكرة عني واتقول انها مسجلة بنتها فالنموذجية وسوولها الامتحان القبول للصف الاول بشهر 6 وخذت النتيجة من المدرسات وقالولها ناجحة وعشان تتأكد ردت اتصلت المدرسة وقالوا البنت ناجحة وريلها يوم راح يستلم اللبس خذوا اسم البنت وسلموه اللبس واليوم داومت البنت وهي فرحانة ودخلت صفها واسمها موجود على باب الصف واستلمت كتبها.
وبعد ما ردت البنت البيت تتفاجأ الام باتصال من المدرسة يقولولها ليش البنت داومت وهي راسبة فالامتحان .. الام انصدمت واتقول كيف راسبة وانتوا قلتوا انها ناجحة واكثر من مرة تأكدت ..
وردوا عليها اونه يمكن في غلط قالت كيف والبنت استلمت اللبس والكتب واسمها موجود قالوا الاسماء الموجودة على الباب هي الاسماء الي وصلت من الكي جي قالتلهم الحين الكي جي شو يخصهم في توزيع الطالبات على صفوف مدرستكم.
المهم اضاربت وياهم وقالولها خلها اتعيد الامتحان يوم الاربعاء.. وكيف اتعيد الامتحان وهي من 3 شهور موقفة دراسة وهاي طفلة عمرها 6 سنوات شو بتتذكر عشان اتحل
ربيعتي باجر بتروح المدرسة وبتحاول تتفاهم واياهم لان بنتها غامضتنها وايد فرحانة وما تبا تكسر بخاطرها
ادعولها الله يوفقها باجر وييسر امورها والسموحة ع الاطالة…..
هاي ياهل وبعدين تراها بتتعلم عندهم .. لو كانت راسبه نفس مايقولون
وحركتهم غريبه .. يقولون ناجحه وعقب يقولون راسبه !!؟؟ كيف جيه .. وليش سلموها الكتب واللبس
خل تشتكي عليهم
و الله يوفقها فـ الامتحان
لا يكـون المدرسـه النموذجيـه في دبي >> يمكـن اتكون المدرسـه الي درسـت فيها في يوم من الايـآم 
ان شاء الله يغيـرون رآيـهم فديـتها مثـل ما يقولون يـآ فرحه ما تمت 
عسب هم لخبطوا في الأوراق..
حرام والله البنيه تكسر الخاطر..هي مستانسه..
يارب تنجح إن شاء الله..خبرينا شوصار معاها..متابعين..
الله يسهل عليها الغاليه
انتي ما تتساهلين معهم، دي غلطتهم ولازم يتحملوها مش البنت حليلها