بعد الولاده ابيبي 3 كرشتي ترهلت وافكر اسوي عملية التجميل

شخبااااااااركم ماماهااااااااااااات..

خواتي عقب ما يبت بيبي رقم 3 كرشتي ترهلت والحينه افكر اسوي عملية التجميل..
رحت قبل كم من شهر مستشفى بلهول علشان فحص الرحم مال كل 6 اشهر.. فشافت بطني الدكتوره والله انحرجت قالت لي ريلج عادي عنده انه كرشتج جذيه مترهله وشكلها مقرف؟؟ ما عرفت ارد عليها فقتلها لاني افكر ببي 4 وعقب بسوي عملية التجميل.. لان عن جد بطني طايح وشكله ملفت.. الحمدلله ما يبين علي اني ام عيال وكل شي فيني زين.. الا بطني مخرب عليي كلما بلبس شي مغري حق بو العيال احس انه في شي غلط مخرب عليي.. والحين بو العيال بسافر بزنس اسبوعين افكر اسوي عملية التجميل وافاجاءه لان يحليله مول ما نطق بشي وانا ابغي افاجاءه..
خبروني وين ارووووووووووووووووح يالمجربات..
بشارجه والا دبي..
بيلز وبدعيلكم من كل قلبي..

امممممم ما عندي اي خلفيه والله..ان شاء الله الحريم يفيدونج..بس اذا انتي تبين هالشي شوي بدون تردد..

حبيبتي وانا فخاطري أسوي مع انه البيبي الاول وبطني كبييييير ماشالله اقول يوم بطلع البيبي بيتم طايح أكيد بس خايفه لان عندنا وحده فالعايله ريلها سافر وسوت عمليه عشان تفاجأ ريلها وتوفت وهي فالعمليات
فاجأت الزوج بوافاتها للأسف
الله يرحمها

حبيبي هي سوته عشان تشفط الكرشه والا الدهون؟؟

للرفع

في عمليه جراحيه مب خطيره وان كنتي من دبي جربي تزورين موقع عيادة استيكا وقبل كل شي استخيري احسن لج.. ما اعتقد انها خطيره ويعتمد على الدكاتره لا تروحين لاي مكان مب موثوق به.. عيادة استيكا زينه ومرخصه.. لانها عارضه صور الي سوو العمليه والقيمه ما بين 8000 ل6900 على حسب كبر البطن والجلسات

لا تجازفي بحياتج صدق خوفة لانه تخدير كامل وبيقصوج بالعرض عسب يرفعو الجلد من فوق وتحت وبعدها يقصو الزايد ويشيلو الدهن ..

اما لو تخدير جزئي فهذا لازالة شحم المنطقة السفلية فقط بدون شد ..

وبالنسبة لكلامج حمدي ربج ريلج ما مهتم انتي جذا بتخليه يحس ان في شي غلط بجسمج وتحسسه بعد ان الحريم مب نفسج بالعكس كلنا نفس الشي وهذا كله تضحيات في سبيل العيال ..

باختصار حريم الارض كلهم ال يابو عيال يعانو من نفس الشي وحتى لو الريال تكلم ما عكيفه لانه هالشي مب بايدج هذا من رب العالمين ..

ونصيحتي لج سوي رياضة ع الدراجة الثابتة نص ساعة كل يوم وقللي من النشويات لانها هي المسمن الاكبر لمنظقة الفخذ والبطن وخليها بس حصة ف الاسبوع ..

امممممم كان لازم تربطي بطنج عدل كل مرة تربين وتسوين تمرينات ،،،، بس وين هاي عيادة استيكا ؟؟؟؟؟؟؟