انا ما توقعت اني انحط بها الموقف
طبعا اكيد كل حياة زوجية فيها ملح و بهارات و كركم
و زوجي زين ما شاء الله
بس عيبه الوحيد عصبي جدددددددا و شوية جاد ف وقت الجد طبعا
و يعطي كااااااااااااااااااااااااااااااااااااااااااااااااا اااااش
وما يعرف شي ف الدبلوماسيه
احس مرات جنه حد يعطيني كف <<< ما يعرف يجامل ابدا
جامل ياخي جااااااااااااااااااملني شوي
انا حرمة مب واحد من ربعك
ادري ما في حد كاااااااااامل و الكمال لله
ومب مقصر علي لا بالمصرف ولا بشي مع اني اشتغل
ولا بالطلعات وبالهدايا
و ما عنده خرابيط
و وضعي المادي افضل منه
و يعطيني دوم
و عمره ما شتمني او ضربني
و يساعدني في البيبي دوم يشيله و يسبحه و يبدله و كل شي
وما يمنعني من شي ابدا
اطلع و اروح و ارد
وانا جدا مرحة و مبتسمة و سبحان الله
هاي طبيعتي و طبيعة حلجي 
حلجي وسيع
المهم عصبيته مكرهتني فيه ملوع جبدي
و احاول اني اطيعه و اتأقلم
بس هو يبغيني اطيعه طاعة عمياء ما اقول كلمة لا ابدا
او اناقشه في بعض المواقف
و يجبرني ولو قلت لا بيزعل وما بيرمسني
دايما يجبرني اسوي اشياء ما ابغيها
مثلا روحي عرس فلان وها الناس لا يزوروني ولا اييون لي مناسباتي ابدا
و اقول له ما اقدر لسبب ما
او عندي شي بنفس الوقت
ما يرضى و يعصب و يسوي لي سالفة و لو ما سرت بيزعل وما بيرمسني
و ع فكرة ابوه بنفس الطريقة دايما جي مع عمتي
يعني يجبرها ما تروح و تروح عند ناس معيينين
وهي صابرة عليه و دايما تشتكي لي من عصبيته و جبروته
و اقول في خاطري اخاف اوصل ها العمر و اموت حسرة لو شيب و صار جي
المهم صار اللي صار و كنا ف مكان عام
قال لي بتين المكان الفلاني و رجع سألني كمن مرة و قلت له لا و ناقشته شوي
و قال لي انتي طالق
و رجعت مع ربيعتي البيت
ما ادري تيبست
ما عرفت شو اسوي
معقولة جي
المهم قررت اني اروح بيت اهلي أأدبه ع عصبيته اللي تخرب البيوت
المهم ما طلعت و قلت ما بخبر حد و بلم الموضوع و تصالحنا
ما ابغي اخلي الموضوع يكبر عسب عندي نونو
و زعلت منه و طنشته لين ما رضاني مليون مرة و صاح
و يحاول يراضيني بكل الطرق
لكن بعدني مجروحة ع الكلمة بالرغم من اعتذاره و بكاءه
و مرات ايلس عند نونوتي اجوفه عسب اغير راي و اقعد في البيت
لان مرات يدق براسي اطلع عسب يصطلب
بس النونو معور قلبي
و ناقشته و هو عند رايه ان الحرمة لازم تسمع رمسة ريلها مهما قال
و تروح وياه اي مكان هو بيسير له
وانه غلط اكيد يوم قال الكلمة بس انا خليته يغلط
حاولت ابين له ان الكلمة ما تنقال اصلا
و الواحد يمسك نفسه و ما يكون عصبي 24 ساعه و يسمع الطرف الثاني
وما يجبره ع شي
بس شو اسوي ما في ريال ديمقراطي اصلا
اخاف يمر العمر و اكون في مكان عمتي
و تزيد عصبيته
و اتركه بعد درزن عيال
بتقولون عودته اني اسمع كلامه
بقولكم لا عودته يكون عندي راي الخاص
بس هو ما يتغير ابدا
استخدمت كل الطرق و الاساليب و الحيل و كيد النساء
ما فادني ابدا في ها الناحية يمكن فادتني من النواحي المادية فقط
ادري فيه ايجابيات و سلبيات حاله حال اي شخص
و لكن هاي العصبية تخرب بيوت
هاي مشكلتي باختصار
حاولي تغيري منه باسلوبك وكلامك لازم لان الرجل على ما تعوديه من البداية
وفي شئ مهم انو لو هو عصب انتي هدي الامور وحاولي ترضيه وتجامليه مرات وتروحي لو طلب منك تروحي عزومه ومرات اعتذري بطريقة لبقه انك تعبانة او اي شي تاني ……. في وايد طرق تخليك تقنعيه من دون ما يتعصب
اذا كل شيء بزوجك زين خلاص طاوعية اذا طلاباتة ما فيها معصية
انا اقول لاترضين ههه .. تمي فتره خليه يفكر الف مره مع نفسه ..
طنشيه و خليه يتادب
انا صدق اعاني من هالشي ماعرف كيف افهمه انه ما يصير الزوج يجببببر زوجته ع الحلوه و المره ,,
الله يعينج و يعيني و ريلج تسرع و اهم شي انتي عطيته شغله و تأدب و خل يعرف الصح صح و الغلط غلط و ان شالله ما يتكرر وياج هالشي ..
اسالي فيها مطوع اذا شاكه ولا البنات شككوج ف موضوع الرجعه !