بنات..
انا عندي بطاقة فيزا الكترون مال السحب الآلي الوردية من مصرف بوظبي الإسلامي..
هل تشتغل البطاقة في الصراف الآلي ( ATM) في المانيا..؟
ميونيخ وسالزبورغ وزيلامسي تحديداً؟
واذا لا.. شو البطاقات اللي تقبلها الصرافات الآلية اللي عندهم؟
لني ماريد أشل وياي مبلغ كبير كاش؟
وغير جي.. هل يستوي أحجز من موقع بوكينج في نفس بطاقتي ولا لازم اسويلي كريديت كارد؟
واللي صرفت من فترة جريبة ؟ تخبرني كم سعر اليورو الحينه بالظبط؟
اتريااا خبرااتكم..
هلا حياتو نكمل سوالفنا هني بعد ماخلصنا من البي بي خخخخ
اتوقع عادي تشتغل بطاقتج مناك … لاننا يوم نسافر نستخدم البطايق العاديه
وريلي بعد عنده مالت مصرف ابوظبي الاسلامي ويستخدمها فالخارج عادي
بس اتوقع ياخذون جاارج عليها يعني على كل سحبه ياخذون مبلغ معين ..
وبخصوص الحجز … مره انا حجزت ببطاقتي العاديه بس اهم شي يكون مكتوب فيها كلمه الكترون
بطاقتي انا من بنك دبي الاسلامي الجوهره …
بس ترا بعد ماحجزت وييت من الفندق طرشولي مسج اونه الموقع مايقبل البطاقه
ماعرف كيف مع اني حجزت وسرت الفندق وكل شي كان اوكي …
بس انا دوووم انصح انه حجوزات النت تكون لها بطاقه بروحها عشان لا سمح الله
صارت سرقات فيها ماياخذون كل الي في حسابج …
انا توني من شهرين مظهره بطاقة بنك ابوظبي الوطني ب 50 درهم …
ومب لازم يكون عندج حساب عندهم .. بس قوليلهم ابا بطاقه النت
وهم بيطلبون منج الهويه او الجواز وخلاص يومين وبيعطونج اياهااا
وترومين تعبينها من المكينه … المبلغ الي تبينه …
هذي افضل لج لاقدر صارت سرقه مابيكون فيها مبالغ كبيره
تراج كل ماحتجتي بتحطين فيها المبلغ الي تبينه وتستخدمينه وخلاص ..
و بالنسبه للصرف اليوم ارتفع بس تقريبا ٤ فاصل ٥ او ٤ فاصل٦