بشرتي دهنية وكريم الأساس يتقشر..ساعدوني بنات للعناية بشعرك

السلام عليكم ورحمة الله وبركاته،،

أنا بشرتي دهنية يا بنات..وبالفتره الاخيره قمت استخدم جل مقشر خفيف (ديفرين) قبل النوم كان وصفه لي الدكتور من فترة..

الصباح بعد ما أغسل وجهي بغسول نيتروجينا أحط كريم مرطب وبعدها احط كريم الاساس السائل، واستخدم بعدها الأساس المضغوط أو بودره..وبس اوصل المكتب الاحظ انه عند خدودي بالذات الاساس يتقشر ويجف حيل وتطلع قشور..

بشرتي مو صافيه فيها بعض الاثار والمسامات،،

أحس انه فيه شي بطريقة مكياجي او بالاشيا اللي استخدمها غلط..أتمنى بنات اللي عندها خبرة تساعدني

وشكراً لكم (f)

لا تستخدمي صابون عادي يوم تغسيلن وجه استخدمي صابون دوف او اي صابون فيه نسبة من كريم مرطب
واذا بشرتج دهنيه استخدمي كريم اساس مائي

اعانى من نفس المشكلة

مرحبا
بنات انا بنت خالتي تعاني من نفس المشكلة
بخبركم ليش
هي تستعمل شي حق الحبوب والآثار بس وايد يقشر الويه ويخليه احمر وبعدها مستمرة عليه مادري ليش
وكل ما تحط ميك اب نفس المشكلة الويه يمبان متقشر واخس ويلوع بالجبد
واذا في حبوب ومشاكل ثانيه هاذي لها كريمات ثانيه،، شفتوا وحده تقشر الويه وهو فيه التهابات وحبوب؟ يعني جنها تلعب فيهم وتحرق ويهها يعني = تزيد الطين بله

التقشير ينفع حق العلايم والكلف في حال عدم وجوووود اي مشاكل اخرى
وللمسامات شي تونيك وكريمات او جل يشد المسامات
انا ما أتفلسف هذا من اللي اعرفه من تجاربي وخبرتي واشوفه منطقي يعني

الاخت فجر انا انصحج تودرين العلاج الطبي فتره قولي مثلا لمدة اسبوع واستبدليه بعلاج تجميلي
وحطي كريم مرطب خاص بنوع بشرتج سواء كانت جافة ولا دهنيه واستعملي التونيك بعد الغسول المرطب
يعني غسول ما ينشف الويه > تونيك للمسامات اذا يفيد > كريم مرطب من التركيبه اللي البشرة تمتصها على طول جربي لوريال الوردي

وشووووفي النتيجه عقبها بكم يوم
وبالنسبة للمكياج حطي كريم اساس مرطب بدل من الكومباكت بودر ولا البودر العادي
وان شاء الله اكون افدتج

سوري اذا قلت اشياء ما يخصها في مشكلتج مثل الحبووووب وغيره ولكن للإفادة العااامه

اخت فجر انا اعاني من نفس المشكلة ويوم سالت الدكتورة نصحتني اني استخدم المقشر مرتين في الاسبوع لنه هو سبب انه الويه يتقشر يوم تحطين الكريم اساس ونصحتني استخدم صابونه دوف لنها ترطب الويه واجنب البودرة المظغوطة

شكراً لكم يا بنات ما قصرتوا
وان شاءالله باخذ بنصايحكم
Bronzya تسلمين يالغاليه ع الشرح وانتي بعد يا شانون

الله يسلمكم جميعاً

بنات مشكلتي للحين مستمرة
جربت كل شي..قطعت المقشر من فترة..واغسل ويهي بالليل قبل ما انام وأول ما اصحى بجل من نيفيا مخصص للبشرة المتباينه إلى الدهنية..والصبح بعد ما اغسل واجفف استخدم ميلك منظف ومرطب من نيفيا..بعدها استخدم منتج من كلارنس ينحط على الويه قبل المكياج مباشرة..حطيته وحطيت بعده كريم اساس سائل خفيف من ديور وبشرتي كانت ولا احلى..بس حطيت انه الاساس ما غطى بطريقه كافيه فحطيت شوي من البورده المضغوطه وكملت الحكل وباقي الشغلات وانا مستانسه..بس وصلت الدوام وقربت من المرايه شفت القشور مره ثانيه ومسامات ساعدوني يا بنات ماعرف شسوي!!