اليوم فضـيت وقلت خلني احط لكم صور وطريـقة كيكة العيال وبوالعيـال المفضـله
عمومـا الكل يحبها وبنت خالي صارلها 3 اسابيع تحن تبيني اسويها لها وانا اتعيز بس اخر شي من كثـر الحنه اليهال ماما نبي كيكة الوان وبوالعيال قال يبا سويلنا ياها سويتها وخليت شوي حق بنت خالي عليهم بالعافيـه
شرايكم بالعرض بس ههههههههه
المهم نبدا بالمقـاديـر:
اول شي اهي بسكويت وفوقه خلطـه
مقـاديـر البسكويت:
4 بسكويت ماري الحجم الوسط
1علبـة حليـب نستـله كبيـره
1 قالب زبده الحجم الوسط 113 غم
2ملعقـة اكل ماء دافـيء
الطريـقه:
– نحط البسكويت بالخلاط
ونطحنـه ليما يسيـر ناعـم
– نضيـف له الزبـده بعد مانسيحها عالنـار وحليب النستلـه و2ملعقـة اكل ماء دافيء مو اكثـر
ونخلط عدل لما تتكون عندنا عجيـنه نقدر نشكلها
– نكورها…
بعدين نسوي مقاديـر الخلطـه:
1قيمـر كي دي دي
1ونص كيس دريـم ويب
4حبات جبـن كيـري
نص علبـة حليب نستلـه كبيـره
– نحط المقـاديـر بخلاط القلاص
ونخلط عدل
– بعد مانخلط نجيب 3 اطباق ونقسم الخلطه فيهم على 3 مرات
واحد منهم نضيف له لون طعام اصفر
وهذا شكـل الكـور قبل لانغمسها بالخلطـه
– بعدين نغمـس الكـور باللـون
انا غمسـت مره بالاصفر ومره بالازرق ومره بالوردي
– وكملي الكور ليما يكمل الطبـق عندج
– بعدين شكي كل كره بعود اسنـان
– اخر شي رشي الطبـق بالفليك المفتت
– وهذا الشكـل النهائـي
ان شاءالله يعيبكــــــم(منقول)
تسلم ايدج غنااتبهـ
والله شهيتيني
.gif "12 (5)")
يعطيج العافية ..جربتة وطلع وااايد حلوووووو
مشكوووووووورة وتسلمين على الطريقة
تسلم الايادي