بما اني إجازة اليوم قلت اسوي برياني من تحت دياتي ^^ يلا انشوف
المقادير:
عيش حسب العدد
بهارات حب "هال _ خردل _مسمار _فلفل اسود _ شمر_ سنوت"
بصل شرايح
ثوم وزنجبيل مدقوق
نعناع وكزبرة
روب حجم كبير
كاجو للزينه
الطريقة:
يتبل الدياي بالملح والكركم ويقلى في الزيت حتى يحمر لونه
انحط زيت فالجدر وانظيف البصل المقطع شرايح+البهارات الحب كلها +الكزبرة عقب ما نفرمها ونتركه مدة دقايق لين ما يذبل البصل
انظيف الثوم مع الزنجبيل +البهارات الهنديه المطحونه (ما صورت العلبة فاضيه) ونقلب
انظيف علبة الروب كاملة ونقلب ونسكر الجدر مدة ثلث ساعه ونظيف النعناع المفروم آخر خمس دقايق
في هالوقت نسلق العيش نصف سلق
بعد انتها ء مدة طبخ الدياي نفصل الدياي عن الصوص الناتج كل واحد في صحن منفصل
وهذا الصوص الناتج
الحين الخطوه ما قبل الاخيره عقب ما طلعنا الدياي والصوص من الجدر انحط ربع مقدار العيش في قاع الجدر نفسه _ وانظيف عليه الدياي فقط_ عقب انظيف مقدار من العيش بعد يعني يكفي لتغطية الدياي_ ثم انظيف الصوص على العيش واخر شي انظيف باجي العيش كله _ سكري عالعيش وفي هالوقت قطعي بصل شرايح للزينة واقليه في الزيت مع الكاجو وهذا آخر خطوة
وهذي النتيجه اتمنى يعجبكم هذا صحن ابويه^^
وسويت وياه طبق جانبي كبدة بدبس الرمان ^^
تحياتي.ساره الظاهري
التصوير للمقادير احترافي
تسلم ايدج
بالعافيه عليكم
شكله رووووعة
تسلم إيدج