برهان موهبتي في العين بلييز ادخلواا حل المشكلة

السلام عليكم بناااات شحالكن .. بغيتكن تساعدني اللي تعرف رقم مجمع العين الطبي فالعين تعطييني ايااه لاني سألت عنه فالاستعلامات وما حصلته مادري هوو صحيح جييه اسمه ولا يسمونه بإسم ثااني .. ثاني طلب ما عليكن امر اللي متعالجه في هذا المركز ويا الدكتور برهان موهبتي اظن جييه اسمه هو ايراني مادري بناات اللي متعالجه وياه تقولي عن تجربتها لاني ناويه اسيرله لاني الصراحه تعبت افرفر فهالعيادات الجلديه وما حصلت نتيييجه وبشرتي واايد تعبت ابا اللي تعرف عنه بلييييز تخبرني عن شغله كيف زين مب زيين يعني يستاهل الواحد يسيرله واذا فيه دكتوور ثااني شااطر ممكن تدلووني عليه خبير في مشاكل البشره في العين بكوون جداا شاكره ..

هلا الغالية

بطرش لج رقم المجمع على الخاص لان اعتقد ما ينفع بالعام

انا حاليا اتعالج عند برهان صار لي شهرين الحين،، وخواتي كلهم يتعالجون عنده

قالي علاجي محتاج من اربع الى ست شهور ،، في بداية العلاج حسيت بتطور بويهي علما بأن ويهي كان محبب وفيه بقع وتصبغات،،

المهم بعد شهر من العلاج بديت اهمل شوي فطلعت لي حبوب ترست ويهي وكانت مسببة لي حكة يعني التهب ويهي حتى بعد ما رجعت استخدم العلاج،،

رديت له وشاف ويهي وعطاني مقشر استخدمه بالاضافة الى الكريمات اللي كتبها لي قبل،،

حاليا ويهي احسن بكثير الحمدلله،،

على فكرة تقريبا الغسول اللي كتبه لي وباقي الكريمات نفس اللي كتبها لخواتي مع اختلاف بسيط،،

الاستشارة عنده ب 300

والادوية انا اول مرة كلفتني تقريبا 1000 درهم

والمقشر الجديد بحوالي 200

علاجه محتاج لصبر ومتابعة يعني ما تتركين العلاج لاي سبب لين ما يتعدل ويهج،،

وهو على فكرة يسوي تقشير وقالي ب 3000 الجلسة الوحدة بس تكلف هالمبلغ،،

بس هو باعتقادي علاجه احسن من غيره ،، خواتي ما شاء الله على ويوههم صارت صافية ،،،

اسفة لاني طولت بس هذا بالتفصيل الممل،،،

ملاحظة ( اي وحدة من الخوات تبي رقم المجمع تقولي بطرشه لها على الخاص واذا ينفع العام خبروني بحطه للاستفادة )

ان شاء الله البنات يساعدونج

مرحباا اختي نجمة ضيااء .. اولا مشكوره الغاليه عالرد .. كنت محتااره اسيرعند منووه بس من بعد ما سمعت كلامج ارتحت الصرااحه شكله شااطر وانا اكثر ما يهمني انه يكوون شغله نظييف والفلووس اللي تندفع عالعلاج مب خسااره عليه اهم شي عندي انه ويهي يصفى من الحبوب والتبقعاات لاني تعبت منهن ما خليت وصفه ما استخدمتهاا .. خلاص بسير عنده وان شاء الله نحصل نتييجه حلوه بس ما عليج امر لو اطرشيلي رقم المركز على الخاص وتكتبييلي شو اسم العياده بالضبط .. وطلب ثاني لو ما بنثقل عليج شقاايل مواعيدهم يعني فيه زحمه ما فيه ياريت تفيدييني ولج كل الشكر

ثانكس اختي BIS -cuit عالرد
اتريااا الردووود وان شاء الله البنااات ما بيردني ..

هلا حبيبتي،،

طرشت لج رقمه على الخاص ونسيت اكتب لج اسم العيادة

اسمها مجمع العين الطبي الحديث وهو في نفس بناية مركز عروس العين للتجميل ..

انا اسير له بالعادة الساعة ثمان بالليل وما قد لقيت زحمة بالوقت هذا.. اما الاوقات الثانية ما اعرف بصراحة..

على فكرة انتي ممكن تتواصلين معاه بالتلفون بعد ما تسيرين عنده وتخبرينه بالتطورات اللي تحصل لج..

انا قالي بعد ما التهب ويهي ليش ما اتصلتي على طول انتي اولى من غيرج بالاستشارة لانج فاتحة عندي ملف في ناس من غير ملف يتصلون واحاول افيدهم كثر ما اقدر…

وبعدين هو تعامله حلو وراقي مع المرضى..

والله يشافي ويهج وتستانسين مع علاجه..

شي دكتور اسمه عاطف في الامارات الدولي أو التخصصي ماذكر
يعالج الويه شغله وايد حلو ونتائجه فورية ………… عن تجربة