برج العرب للسياحة

بمناسبة ذكرى زواج اختي الاول بغت تحجز سويت في برج العرب بما انهم ماعندهم غرف وهذا اقل سويت تخيلوا بكم لليلة الوحده 7000 معقووووووووووله؟

انا قلتها اتعشوا هناك وارجعوا مب شرط تحجزون
مادري احب اعرف آرائكم بخصوص هالموضوع؟
وسؤال ثاني شو احلى مطعم هناك ينفع لهاي الذكرى وهل لازم نحجز قبل مايسيرون؟

خل تحجز أحسن عسب تضمن إنه بتكون إلهم طاولة فاضية..

فيه واايد فنادق أرخص عن برج العرب… أتلانتس وأبراج الإمارات وقصر الإمارات..
أحيد أخويه روح ف عرسه برج العرب ليلة ب 3000 بس..

^^

لااازم تحجزين قبل انا سرت مطعم المحارة في صباحيتي اقصد اول يوم زواج لان ما سرنا شهر عسل زوجي عزمني هو اكبر مطعم هناك تعشينا انا وزوجي مأكولات بحرية ب 1700 درهم بصراااحه واايد غالي وضميري انبني وهزبت ريلي على هالسالفة

عشا ب1700درهم حرام
بتتحاسبين عليه أختي

شوفي هذا المبلغ كم آدمي بيأكل

بنات حاسبوا عماركم قبا لا تسوون الشي

هذا كان اول يوم زواج شهر عسل…وهو فاجأني من بعد ما دفع خلاص عرفت السعر ص عصبت عليه بس كسر خاطري خربت الطلعه