انا مطره اخلي بنتي لمدة 5 ايام او 7 لاني تعبانه وبتنوم فالمستشفى
وهي عمرها شهرين ونص وترضع مني وهي من النوع الي مول ماتحب المرضعه ولا الحليب الصناعي
وبس تتقبل الماي مع سكر نبات .. وبمزاج بعد
والي موترني انها عند الكل تصيح وماتبي حد الا انا تبيني اشلها واخليها دايم بحضني وارضعها
واذا نزلها تصيح هي من النوع الصياح وايد
وبعد خايفه انها تتعب عندهم من كثرة الصياح وانها تعاند وماتشرب ابد من الحليب الصناعي ولا اتظل يوعانه
ووتنام عقب ما تموت من الصياح …. والله احاتي
ف دخيلكم شو الحل شو تنصحوني اتركها عندهم لاني مطرة ؟ احس اني مضايجه وافكر وايد
في حد منكم جربت تركت بنتها او ولدها 3 ايام او اكثر وهي بهالعمر وندمت ؟؟ وشو كانت تجربتها ؟؟
ندم او تحسن او شووووووووو
دخيلكم انتظر ردكم
لا تحاتين دوم بتتركيها في بيت هلج
الله يهون عليج
الله يسهل عليج حبيبتي
اشفطيله حليب كل يوم لو تقدرين بيشربه من المرضعة
من الحين عطيه حليبج في المرضعة علشان يتعود ومايلعوز اهلج
اذا قدرتي .. اشفطيلها حليب كل يوم عشان ماينشف صدرج
صح هي ماتتقبل حد الحين لانج موجوده عندها .. بس ماعليج اذا خليتيها عندهم بتتعود .. كم بتصيح يعني ..
لا تحاتين .. وبعد جربي حليب صناعي بس نوع ثاني يمكن تتقبله
ماتشوفين شر ^_^
ما ادري بس هل هو ممنوع انج تخلينها وياج بالمستشفى مع الوالدة او اختج ولا ما يصير
اذا لا ما بأيدينج غير انج تشفطين لها الحليب
انا تركت بنتي يوم عمرها ٦ شهور لمدة شهر
و يوم رديت عادي شربت الحليب مني بس اول يوم استغربت مني وتمت لاصقة في خالها و أمي
ولازم بتحاتينها
اشفطيلها حليب وخبري اهلج يقطرولها بقطاره ما دامها ما تتقبل المرضعه
والله يحفظها ويخليها لج ويشفيج يارب