بخصوص مدارس ابوظبي في الامارات

هلا خواتي
عيالي في مدرسة غليننغ وصراحة المدرسة وايد متعبه للطالب والأهل ومن حيث الواجبات والبروجكتات والدوام الممل الطويل وياليت فيه اهتمام من ناحيتهم تعبت وانا اطرش ايميلات وما يردون
حرام من يردون لين يرقدون وهم دراسه واجبات حشا مش مدرسة تعذيب
اريد اغير مدرستهم اللي تعرف مدرسه مافيها ضغط وايد ويحلون واجباتهم في المدرسة تخبرني
جزاكم الله الف حير

موفقه الغاليه.. اختج @مبدعه@

بصراحة انا ولدي فمدرسة البشائر بس احس الدوام وايد طويل عالكي جي 2 يعني يخلصون دوام الساعة 2 ولين ما يوصل البيت فالباص 2:30 احسة يرد تعبان وماله خلق يكتب واجب والا غيرة بس هم مب وايد يكثرون عليهم بالواجبات معظم الواجبات الدسمة تكون فالويكند وخلال الأسبوع ممكن اتلاقي واجب او واجبين ومن ناحية التعليم والاهتمام انا اشوف انه تعليمهم زين ومناسب لسنهم ،قبل كان زوجي مب متقبل هالمدرسة لأن ربيعة مدخل عيالة واونه الانجليزي عندهم تعبان بس انا اشوفة جدا مناسب لسن ياهل فالكي جي وانا حريصة انه ولدي يتأسس عنده العربي قبل الانجليزي الانجليزي يقدر يتعلمة بس اللغة العربية صعبة ولازم تنغرس بالطفل من البداية هذا من ناحية التعليم ،ومن ناحية المصاريف الرسوم بعد مناسبة ،لكن اللي مب عاجبني فهل المدرسة انه كل حركة يسوونها لازم فيها دفع فلوس حتى على استعارة الكتب و كلها اتكون اجبارية بس شسوي انا صابرة عليهم عشان تعليهم زين والله يوفق الجميع

للرفع

بالتوفيق

انا كانت افكر انقل ولدي لهذي المدرسه بس شكلي باكنسل

مع انى اسمع يمدحونها هالمدرسة بالمواعيد وكل شى