بخصوص الرضاعه الطبيعيه سياحة الامارات

هلا خواتي انا مربي من سنه وشهر وكنت أرضع بنت الين 7 أشهر وفطمتها والين الحين فيني حليب أقدر اعطيها الحليب هي عمرها سنه وشهر يخترب الحليب شو لانه بنت وايد ضعيف حد ستوبه جي مثلي وبترضا تشرب الحليب
ان شاء الله في ميزان حسناتكم

اتوقع يكون الحليب فاسد استشيري دكتور الاطفال

مستحيل فاسد اصلا الام لازم ترضع ولدها سنتين

عادي طبعا رضعيها بس اول شي شفطي بالشفاطه واااااايد تقريبا 3 او 4 رضعات . وجبيه في المغسله وبعدين غسلي صدرج وسمي بسم الله ورضعيها .. فديتها ليش فطمتيها وهي صغيره ؟؟؟
انا كان عمر ولدي شهرين بسسسسسسسسسس. وبعدين صار عندي اضطرابات في الغدة الدرقية وقالولي الدخاتر لازم اوقف الرضاعة نهائيا عشان الدوا … وطبعا عطيته صناعي وهو وااااايد صغير… وبعد ماكمل 6 اشهر رحت مراجعتي وقالي الدكتور خلاص الغده اوكي عندج ووقفي الدوا نهائيا .. والحمدلله رجعت ارضع ولدي فديته مره ثانية وكنت خايفة ان خلاص مايتقبله بس سبحان الله ماصدق وامره رضع .. يعني رجعت ارضعه بعد خمس شهور وسويت نفس ماقلت لج تميت اشفطه واجبه لين ماخلص الحليب منهن امره … وعقب رحت ورضعته…
وطبعا رجعت اعاني وهو عمره سنتين عشان افطمه … والحمدلله الحين ولدي ريال ويروح الروضه …