بتظعفين لو انتي معاايه منو بيخاويني في هالصيف ؟؟ لصحة الحمل

اول شي انا ما بمدح في عمري بس احب اقولكم ان تحت ايدي وايد الي نزل وزنهم هههههه
يعني ان خاااويت حد في الرجيم اكون له عظم في المسرط .. ماااااا اخليه لين ما ينزل وزنه
مثال :-
ربيعتي يوم خطوبتها كانت كورة مكووورة يتني صيحة وعيوني تغرغر في خطوبتها
مب عشانها بتروح لااا
حزنت ع هالريل الي بيجابلها هي وشحوومها.. وعلى ملااامحها الجميله الي اندفنت
على طووول في ليلتها قلت لها من بااااجر رجيم ..
وسجلتها في ناادي واجباري تروح وانا معاها
ومحاسبتنها ع كل وجبه لازم توثقلي بالصور واطرشه مسج
كم من الموااقف تظاربت معاها وكرهتني في لحظات ظعفها عشان الاكل
3 شهووور من العذااب .. كانت بليله عرسها قمـــــــــــــــــــر .. الحين حسيت يهنالي اصيح
ع فرااقها فضى علي الجوو
.. المهم ان البنت رااحت في حال سبيلها
طبعا مع مشواري في عالم التشجيع انقلب علي الدور وصارت لي ردة فعل عكسيه
عندي 10 كيلو زيادة وحابه انزلهم
ابغي حد يكون جاد ما ابا لعب يهاال يوم ولا يومين .. وعلى فكره تواصل ع المسن
لو شفتها صدق متحمسه ..
وبعد انا بجيس النبض اول .. لأن بصحبتها معااي .. بتحقق حلم الرشااقه << جد واثقة

يالله الشــــــــــــاطر يرفع ايدووو