بتجربتي الشخصيه بعد فضل الله .. علاج الاكزيمآ .. طبيعي 100 % من مطبخ الامارات

اشحالكم خواتي ..

حبيت اكتب لكم تجربتي في علاج الاكزيما اللي صارت لي حول العينين وحول الشفايف .. الحمد الله على كل حال ..

والله يا خواتي مب متخيلين كيف الاحراج اللي كنت امر فيه بسبب الاكزيما

وصرت ما اختلط وايد مع الناس عشان لا يسالوني بلاها عينج وبلاها شفايفج ..

حتى ريلي حسيته عادي عنده يلف الدنيا بس عسب الاكزيما تخووووز عني ..

ورحنا عند وايد دكاتره شاطرييين .. بس للاسف كل اكريماتهم مهدئات وفيها كرتزووون

وتعرفون هذي الماده صح لها مفعول اوكي .. بس تضاعف المرض مع الايام ..

يعني فلوسنآ كلها ضاعت هالفاضي ..

المهم بعد الياس اللي صابني من الدكاترته

صج ياست وتعقدت قلت خلاااااص ما شي علاج ..

بس عقب قلت الله يخلق المرض وهو اللي يشفيه

يلست ادعي وادعي ..

ومره كنت يالسه عالنت طاحت عيني على موضوع عن الترمس ..

وقريت انه له مفعول قوي في تهدئه الاكزيما

ويلست ادور خلطات وشفت خلطه صج صج صج فادتني وايد

وحسيت بتحسسسن كبير كبير وملحوظ الحمد الله

وهي كالتالي ..

اييب فازلين وترمس ..

اطحن الترمس وعقب اضيفه على كميه قليله من الفازلين

وادهنه على الاماكن اللي فيها الحساسيه

وافضل انه يكون وقت ارقادج وعقب قومي وغسلي ويهج وشوفي الفرق ..

انا الفرق الواضح شفته بعد ثلاث ايام من استخدام هالخلطه الحمد الله

وما زلت مستمره عليه لين ما تخوز كامله ..

بس الخلطه مب لازم تحفظينها يفضل كل يوم تسوينها فررررش احسسن ..

ويوم اقووووم ادهن جسمي بمرطب QV > بصراااحه ممتاز

هو طبي وخاص للبشره اللي فيها اكزيما والحساسيه

بنآت ادعولي الله يخليكم بالحكمه والجنه