بانكوك و شيانغ ماي و بوكيت لذوي الاحتياجات

السلام عليكم و رحمة الله و بركاته

لو سمحتو عزيزاتي ..

للي زارو مدينة بانكوك .. حبيت اعرف عن مراكز التسوق عندهم و المحلات اللى يبيعون الشنط الزينة الزينة مب العاديات ..

انا زرتها مرة بس ما اعرف محلاتهم و اماكن تسوقهم الا كم من مكان .. و سرت اماكن الطبيعيه ..

فيا ليت اللى يعرف اتدلوني عليهم ..

و متشكرة ..

هلا اختي انا ياية من 4 ايام رحت مكان لي الشنط ماكو فرق عن الاصلي شنج تشترين شنط من الامارات اللي قيمتها فوق 8000 اسمة المكان * باتــــــــــ بونــــــــــق * قولي حق التكسي وهو بوديج بس يفتح بليل يسمونة سوق الليلي من الساعة 10 يبدى نسيت اقولج هو بي بانكوك هب في بوكت ولا شنغ ماي بعد مول ** MBK ** ام بي كي هل مول لايفوتج وااااااااايد حلوه منها الملابس والنعل وشنط بس الشنط هب لي هناك بس النعل وجواتي في محل الصغير حق الشنط مال مكياج مال المحفظة واااااااايد حلوه انتي دوري وبتحصلي حق ها المحل من ناحيت بوكت كلة بحر في اسواق بس نصيحة لاتشترين من بوكت غالي اغلى عن بانكوك حتى انتبهي مثلا اذا حصلتي لبس بتحصلي بانكوك ارخص خلج في بوكت حق البحر وبس لاتشترين شي بس بانكوك اسالي وين فندق اقريس وهناك انزلي في اسواق واااااااايد حلوه ورخيييييييص رخص الثمن ونعل بعد حق الريياييل رخيصة منها مندوووس وغيرة واذا تبين اي استفسار انا حاضرة

انا امس واصله من بانكون واسواقهم حلوه روحي ربنسون وايد حلو وسوق اسمه طوكيو MBK واروم وسيام برغون والسوق الليلي

مرحبا ختيه تعبتني يا قلب ..

مشكورة الغالية .. ان شاء الله بشوف السوق الليلي اللى في بانكوك .. انا رحت السوق الليلي في شيانغ ماي ..

و المركز MBK رحته و حلو كان .. و بوكيت محافظهم حلوين ..

و فندق اقريس ما سمعت عنه هو في فريج العرب عند فندق اماري بوليفارد ؟؟ وهو سوق مفتوح و لا مركز ؟؟ و شو عندهم اشيا تعرفينها زينة ..؟؟

و سوق باتبونق في بانكوك ؟؟ و اغراضهم من الموديلات اليديدة و لا جديمة اشيا زينة يعني ؟؟ انا بغيت من المويلات اليديدة و صناعته جيدة يعني ؟؟؟

و اشكرج الشكر الجزيل ما قصرتي ..

هلا ختيه شوق _ زايد ..

رحت مركز ام بي كي .. بس روبنسون محل عود و كبير مش سوق لحاله يعني .. مثل دبنهامز و هييل ..

و سيام سكوير رحته .. بس سيام براغون مب هو السوق الطويل مفتوح اشوي يعني ؟؟

بس اروم ما عرفته و ين هو و شو عندهم ؟؟

و اي سوق ليلي تقصدينه و و ين ؟؟

و مشكوورة الغالية ما قصررتي ..

الغلا انصحج لا تتشرين اي شي من شارع العرب لانه وااايد غالي بس لو تبين النعل مال المندوس وها السوالف اخذيها بس الاشياء الباقية بتحصلينهم في المولات وارخص بوايد

وبخصوص شنجماي وايد حلوة وخصوصا منطقة السوق الليلي بس يو تتشرين كاسريهم بالسعر تراهم يعاندون بس في النهاية يرضون

وبخصوص بوكيت ما تنفع حق سوق اذا بتسيرين بوكيت انصحج تسكنين في فندق اسمه بنتاية واااايد حلو في شارع اسممه باتونج رود وعندج جزبرة جيمس بوند في بوكيت بصراحة روعة ما تتفوت
اذا في خاطرج اي شي ما يردج الالسانج

هلا اختي

بالنسبه للمراكز عندهم
سنترال وورد سنتر
وزين
وبروتونام
وسيام براغون
وسيام ديسكفري
واعتقد ان سيام ديسكفري فيه مكتبه روعه فيها اشياء يديده

وعندج السوق الصيني في بانكوك يبيعون اشياء تجنن للمدرسه

وبالنسبه للساعات والشنط التقليد
عندج محل فريده اوم جاكي حفيظ

وفي المراكز بتلاقيتن شنط حلوه بس اعتقد انها ماركات خاصه فيهم وبس
والنعول اللي عندهم ماركات خاصه فيهم بس حلوه
بس نصيحه لا تشترين من عندهم الاشياء اللي موجوده عندنا مثل الميك اب والعطور والنعول مثل الدو وناين ويست لانها اغلى