بسم الله الرحمن الرحيم
×××
شخباركم عسى اموركم طيبه ؟؟
×××
اليوم أنا و الأهل ،، رحنا لمول الامارات
و قلنا بعد مانتشرى بنجرب الميترو ،، 
×××
جاهزين للرحله ؟؟
بس هاه اعذروني ع التصوير البايخ ><
×××
1
2
3
التذكره
( من يدام )
( من ورا )
×××
( الممر )
على فكره الممر وايد طويل يعني يباله صبر ،، و رياضه حلوه للامتان مثلي هههه
×××
( جزء من الرسمه الموجوده ع اليدار ،، ^^ )
×××
×××
( هالصوره ،، صورتها من الجسر الي يربط بين مول الامارات ومحطة الميترو )
×××
( التذكره الذهبيه ،، اعلى درجه // 20 درهم فقط )
×××
( وجهتنا كانت لشارع الشيخ زايد ،، اسمحولي الصوره مب واضحه اشوي )
×××
( هع وصلنا القطار وتفاجانا بـ ان ماشي مكان لنا ،، نصيحه: تلثموا قبل الدخول 😛 )
اتركم مع الصور اشوي
×××
( و أهني وصلنا لوجهتنا ،، لانها اقرب محطه لبيتنا )
×××
( باب الخروج ،، و اللجوء إلى سياره الوالد ربي يحفظه )
×××
و بس هاي كانت رحلتنا القصيره و المتواضعه .. ^^
×××
و أحب اوجه كلمه شكر لصاحب السمو الشيخ محمد بن راشد حفظه الله ورعاه
لانه قدم شي راقي للدوله ،، و صارت وسيله من وسائل المواصلات الحديثه
و الصراحه انجاز ،، وشغل مرتب =)
×××
احلى شي عيبني في محطه القطار ،، ان المشرفين مواطين و مواطنات >> يعني توطين هههه
بس اللهم الي في الاستعلامات و قص التذاكر اجانب ^^
والحلو ان في كل زاويه بتشوفون شرطي من ابناء دولتنا الحبيبه ( ربي يحفظهم )
احسن من هالسكرتيه الي مايعرفون الا انجليزي و نادر ماتلاقيهم يرمسون بالعربي 
×××
هيه صح نسيت انزل لكم هالصوره ><
( صورت لكم زر ايقاف الطوارئ عيبني هههه ،، خاطري اجربه 😛 )
×××
أتمنى ان الموضوع قد نال اعجابكم
أختكم غلآ زآيد
×××
1- كيف دفعتوا و بعدين ما حصلتوا حجز؟؟
2- ليش نصحتينا انه نتلثم؟؟ !! انا اعتقد فهمتها بس حبيت اتاكد من قصدك!!
انا اليوم بروح مول الامارات .. و يمكن يمكن اركب في المترو
تحياااتي