باقي اسبوعين وحاسه اني ملخبطه وودي ااجل العرس العروس الاماراتية

انا محبطه وحاسه انو تجهيزاتي ملخبطه وماعندي حد يساعدني ولا عندي خوات اكبر مني

باقي على عرسي 15 يوم وحجزت المكياج عند التركيه جلناز بس ما اعرف كيف ستايلها واللي مخوفني اكثر انو قلت لها ميكب ملكه لانو بصراحه حرام لمكياج عروس 8500
بليز حد يطمني كيف ستايلها لانو انا احب الميكب الناعم جدا جدا -و ريلي منبه علي لانو يكره شي اسمه مكياج ثقيل .

وبعد ممكن حد يشرحلي شو الفرق بين ميكب العرس والملجه

والشعر للحين ما حجزت ولا اعرف وين احجز اخاف احجز وتجيني وحده تترس شعري فل سبريه وتخليه باهت والله متعقده ..
والفستان الله يستر متخوفه من الالتريشنز وموعد الاستلام الاسبوع الجاي

يا الله حاسه اني ملخبطه من الخاطر – حتى مرات افكر اني ااجل العرس
الله يخليكم فيدوني بالذات اللي مجربين مكياج جلناز

الله يوفقج حبوبة وييسر امورج كلها …مبروك مقدما ، ولاتحاتين ولا تشيلين هم …خلج ريلاكس ولاتتوترين ، كل شي بيكون نفس مامخططة ، بس ماعندي فكرة عن كوافيرة للشعر ، في وحدة عراقية بس ماعرف اسمها ولارقمها تسريحاتها حلوة واتيج وين ماكنتي ، اكيد بتحصلين كوافيرة تسوي شعرج ، وماعندي فكرة عن الكوافيرة اللي كاتبة عنها ,,, ان شاءالله البنات يفيدونج حبي …

خيبة مكياج العروس ب 8500؟؟
اعتقد الفرق بسيط .. بس ثوليلها الملجة بالصاله عشان تحطلج مكياج يناسب الاضاءة ع قولتهم يعني هههههه
ولا تحاتين هو كم ساعه وتعدي وان شاء الله كل امورج تمشي تمام

ايي والله شفتو مكياج ب 8500

حراام والله الا هي كم ساعه ورح ينغسل

الله اكبر شو هالسعر المبالغ فيه

أختي ربي يتمم لج على خير . لا تحاتي توكلي على الله واسترخي . بالنسبة للماكيرة ما أعرفها بصراحة ولا كنت خبرتج . بصراحة ما في فرق بين مكياج الملكة والعرس , هم بس يسوا فرق علشان يرفعوا الأسعار .8500 مبلغ مبالغ فيه وايد . وعلى فكرة مرات يكون مكياج الملكة أحلى بوايد من مكياج العرس وعن تجربة قريبة نفس المكايرة مكيجت حرمة أخوي في ملكتها وفي عرسها ومكياجها في الملكة كان أحلى بوايد وكان هادي وبشهادة الجميع , أما في العرس فبصراحة المكياج كان مكبرنها وايد وما عجب حتى العروس نفسها . بس مثل ما قالن الخوات , هي كم ساعة وبتعدي . لا تشغلي بالج وكل شي بيكون على احسن ما يرام بإذن الله .

بصراحه سعر جدا جدا مبالغ فيه عندج امنه الحوسني مكياجها طرر وحلوو وعندج بنات ارخص واحلا بوايد

على العموم كتبي افكارج بورقه ورتبيهم على حسب الاولويات وموفقين ان شاء الله