اهم الشركات والمحلات للديكور الداخلي ..

محلات للاثاث حول الامارات هوم سنتر هوم ار اس الموراد للمطبخ ورق الجدران الصيني التنين مارت السيراميك الدفاع وشارع النجدة فيها انواع حلوه السيراميك

انشالله يردون عليج البنات ونستفيد منكم…
بالتوفيق،،

انا سويت الجبس عند وحده اسمها ام شوق ماعرف اسم محلها اعطيها 9من 10 العيب الوحيد هو في عمالها بطرانين ولا هي ما عليها كلام وشغلها توب

السيراميك متعاقده مع واحد في عيمان بعدني ما ركبته

الحديد المشغول الدروازه والحمايه سويته في العين عند مصري في الصناعيه اظن اسم محله بيدرو او شي جي كان في اليحر وسار الصناعيه وشغله نظيف

الابواب سويتهن عند واحد جزائري في العين بعد بس ماعرف اسم محله هو سوالي غرفة الملابس بعد
بعدني ما ركبت البيبات ماقدر اعطي رايي ولكن غرفة الملابس اعطيها 7من 10 والسبب وقت التركيب ما ركبولي الطبقات سيده لاني طالبه غرفه كامله فحسيت باخطاء من ضمنها فتحة المكيف +فتحات الكهرباء
والحينه بشوف بيبانهم كيف وبخبركم

شو بعد؟؟الصبغ وغيره بعدني ما بديت فيه

عندج مكتب المهندسون العرب لاستشارات الهندسيه
هالمكتب استشاري
وعندهم ارض الشموخ للمقاولات
ومكتب الديكور والاصباغ
ومديرهم واحد لكل هالمكاتب وما يحتاي تتعنين وتلفين مره كله مكان واحد بس عليج تروحين لهم
واااااااااااايد زينين
الدقه والتعامل الراقي
والسرعه في الانجاز
واسعارهم وااايد مناسبه
وغير عندهم تصاميم بيوت مودرن
وغير يسوون لج تصميم بالمناظير جنه بيتج حقيقي
يعني شوفي استشاري + مقاولات+ الاصباغ والديكور
مره كله مكان واحد

موقعهم بعد مطعم الشوكه الذهبيه بعد دوار الفانوس بالقصيدات
البنايه اللي فيها سوبر ماركت البيان لطابق الاول
وان بغيتي شي تواصلي ع الخاص

وبس توكلي ع الله
ومره ان شاء الله يخلصون لكم وانتوا راضيين عليهم

وانا حطيت الموضوع والتفاصيل بالعام عسب الكل يستفيد
واي سؤال اتفضلوا ع الخاص

بالتـــــــوفيق حـــــبوبة ^_^

:: للرفع ::

^
^
^

حبيبتي اذا تبين حق الجبس والديكور شوفي موضوعي مصممة جبس وديكور
يمكن يفيدج